使徒行传 9 · 1872《使徒行传》（粤语联合译本，香港理工大学数据）

扫罗对住主嘅门生、仍然吐出恶言、与及杀气、就去祭司长处。

求佢俾文书带去大马色各会堂、若係遇著从呢的道嘅、或男或女、都绑住佢、解到耶路撒冷。

行路个阵时、将近大马色、忽然有光、从天落嚟、周围照住佢。

扫罗就跌倒地、听见有声对佢话、扫罗扫罗、为乜你迫害我呢。

佢答话、主、你係乜谁、主就话、我係耶稣、你所迫害嘅、你𢬿脚嚟勒、好难呀。

扫罗打震、惊奇话、主、你想我做乜野。主对佢话、起身、入去个城、噉就你所应该做嘅、必话过你知。

个的同佢行嘅、哑口企处、听闻声、但唔见人。

扫罗由地起身、擘开眼唔见人、个的人盲拖住佢手、带佢入去大马色。

三日都唔睇得见、亦唔食唔饮。

喺大马色、有一个门生、名叫亚拿尼亚、主在异象之中对佢话、亚拿尼亚。佢答话、主、我喺呢处。

主对佢话、你起身去个条街、叫做直街、喺犹大屋企、访寻个大数人、名叫扫罗、因为佢祈祷。

佢在异象之中、已经睇见一个人、名叫亚拿尼亚嘅入嚟、按手在佢上头、令佢得见。

亚拿尼亚答话、主呀、我闻得有好多人话、呢个人、在耶路撒冷、好恶待你嘅圣徒。

如今喺呢处、佢有众祭司长嘅权柄、要绑个的祷告你名嘅人。

主对佢话、去啰、因为呢个人、係我所选择嘅器皿、要使佢传播我名过异邦、同列王、兼以色列人嘅面前。

因我将指示佢、佢为我嘅名、必受几大嘅苦难。

亚拿尼亚就去、入个间屋、按手在佢上头、话、兄弟扫罗呀、你嚟个阵时、喺路上现出俾你见个主耶稣、打发我嚟、令你得见、而且得圣神充满呀。

忽然间、佢对眼好似有鳞甩哓、就即时睇得见、及起身受洗礼。

已经食、就壮健、扫罗在大马色、同埋个的门生住哓几日。

就在会堂、即时讲耶稣係上帝之子。

但凡听闻嘅、都出奇起嚟、话、呢个人、唔係在耶路撒冷、残害祷告呢个名嘅咩、而且嚟呢处、唔係想绑住佢地、解过俾祭司长咩。

但扫罗志气越发坚固、驳赢住在大马色嘅犹太人、证实耶稣係基督。

过哓好多日子、个的犹太人商量杀佢。

佢地嘅计谋、被扫罗知到、有人日夜守城门想杀佢。

所以门生放晚、将扫罗用箩由城基吊佢落去。

扫罗到耶路撒冷、想共个的门生交结、但众人都怕佢、唔信佢係门生。

独巴拿巴将佢带去使徒处、讲过佢地听、话喺路上点样见主、及主同佢讲、而且喺大马色、点样放胆托耶稣名嚟宣传。

噉样、扫罗喺耶路撒冷、共门生来往。

都放胆托主耶稣嘅名嚟宣传、而且共讲希利尼话嘅犹太人辩驳、个的人、想搵机会嚟杀佢。

兄弟知到、就送佢落该撒利亚、打发佢去大数。

个阵时、通犹太、加利利、撒马利亚各教会、都平安建立、佢地所行、敬畏个主、得圣神安慰、人数又加多咯。

彼得周围行、亦到住在吕大嘅圣徒处。

喺个处、遇著一个人、名叫以尼雅、有疯瘫嘅病、瞓倒床处八年咁耐。

彼得对佢话、以尼雅呀、耶稣基督医好你、起身、打整你床铺喇、佢即时起身。

凡在吕大共撒仑居住嘅人、都见佢、大众就归服个主。

喺约帕有个女徒、名叫大比大、繙译即係多加、佢平素行好多善事、共施舍过人。

正在个阵时染病死哓、人洗净佢尸、挤在楼上。

吕大近住约帕、门生听见彼得喺个处、就打发两个人去请佢嚟、唔好迟。

彼得就起身同佢地去、已经到、就带佢上楼、所有寡妇、喺彼得侧边啼哭、攞出多加生时所做嘅里衣外衣俾佢睇。

彼得令大众出去、就跪处祈祷、{口佞}转便向住个尸话、大比大起身、佢开眼睇见彼得、就坐起嚟。

彼得𢬿手拖起佢、叫个的圣徒共寡妇嚟、𢬿已经翻生嘅大比大交过佢地。

通约帕人、都知到呢件事、就好多信赖主。

彼得在约帕好耐日子、住在腌皮嘅西门屋企。