申命记 10 · 1888《复传律例书》（《申命记》，香港理工大学数据）

在个阵时、耶和华对我话、你再为自己凿两块石碑、照前时嘅样子、上山到我处、又整一个木柜。

前时嘅碑、所有嘅说话、我要写在呢的碑之上、你要𢬿嚟藏落柜中。

我噉就用皂荚木整一个柜、又凿两块石碑、照前时嘅一样、手揸住两块石碑、就上山。

耶和华将佢当大会个日、在山上从火中所示谕你哋嘅十诫、照前时所写嘅样子、写在碑前、就𢬿嚟赐过我。

我转脚落山、将石碑藏落所整嘅柜中、如今重喺个处、好似耶和华所吩咐我嘅。

以色列人起程、从庇罗尼雅干去到摩西拉、亚伦死在个处、就在个处埋葬、佢嘅仔以利亚撒、接续佢做祭司。

众人从个处去谷坷大又从谷坷大、去到约巴、即有溪水之地。

个时耶和华分别利未支派、使佢哋抬神嘅约柜、在神面前企立、服事神、托佢名祝福、至到今日。

所以利未人在佢哋兄弟之中、冇份子、冇产业、因耶和华作係佢嘅产业、照依耶和华你嘅神所应承佢哋嘅。

我又好似始初个时、住在山上、四十日夜、个时耶和华亦听我所求、唔灭绝你哋。

耶和华又对我话、起程、在百姓先行、等佢哋入去承受我所发誓应承赐你列祖嘅地。

以色列人呀、耶和华你嘅神、要你点样呢、唔係要你敬畏耶和华你嘅神遵行佢嘅道、尽心尽性嚟爱佢、又服事佢咩。

唔係要你遵依耶和华嘅诫命法度、好似我今日所吩咐你嘅、等你得福咩。

睇呀、天共天上嘅天、地共地上嘅物、尽哋属耶和华你嘅神。

惟係耶和华欢喜嚟宠爱你嘅列祖、就从万民之中、揀选佢哋嘅后裔、即係你哋、好似今日。

所以当割甪你心里嘅情欲、唔好再硬颈。

因为耶和华你嘅神、係万神嘅神、万主嘅 主、係极大、兼之係可怕嘅神、冇偏心待人、亦唔受人财贿。

孤儿寡妇审判、又怜爱旅客、将衣食赐过佢哋。

故此你当怜爱旅客、因为你哋也曾在埃及做旅客呀。

你哋要敬畏耶和华你嘅神、服事佢、亲就佢、指住佢嘅名嚟发誓。

你得赞美、都係由于佢、佢係你嘅神、行极大可怕嘅事、即係你亲眼所睇见嘅。

从前你列祖带住七十人落埃及、如今耶和华你嘅神、使你哋好似天上嘅星宿咁多。