申命记 14 · 1888《复传律例书》（《申命记》，香港理工大学数据）

你哋係耶和华你神嘅仔女、不可为死人割自己身体、不可剃去眼眉中间嘅毛。

因为你係耶和华嘅圣民、耶和华从世上万国之中、揀选你做佢嘅子民。

凡可憎恶嘅物、你都不可食。

畜牲之中、你可食得嘅係牛、绵羊、山羊。

鹿、麞、大鹿、大羊、糜鹿、野牛、羚羊。

畜牲之中、凡係蹄分两半、番嚼嘅、你都可以食。

惟番嚼嘅个一类中、蹄分两半嘅个一类中、有不可食嘅、即係骆驼、白兎、唦噃、因个的係番嚼唔分蹄嘅、你哋要以为唔洁净。

猪虽然分蹄、但唔番嚼、你哋亦要以为唔洁净、不可食佢嘅肉、唔好摩佢嘅尸。

在水中嘅物、凡係有翅有鳞嘅、你都可以食。

惟冇翅冇鳞嘅、你哋不可食、你要以为唔洁净。

凡洁净嘅雀鸟、你哋都可以食。

所有不可食嘅、係鹰、鹗、雕。

鸢、鹯、细鹰、共佢嘅同类。

乌鸦共佢嘅同类。

驼鸟公、驼鸟母、鱼鹰、雀鹰、共佢嘅同类。

鸬鹚、鹭鸶、鴪。

鹈鹕、爰居、鱼狗。

白鹤、鶧鹉、共佢嘅同类、鴽、蝠鼠。

凡𡂈处行嘅飞虫、你哋要以为唔洁净、不可食。

凡洁净嘅飞物、你哋都可以食。

凡自死嘅物、你哋不可食、可以俾过你城内嘅旅客食、或卖过异邦人、因为你係耶和华你神嘅圣民、你不可用羊母嘅奶嚟煮羊仔。

每年在地撒种所产嘅、你要十份取一份。

五谷、酒、油、嘅十份一、及第一胎嘅牛羊、你要在耶和华你神嘅面前拧嚟食、即係佢所揀择安置佢名巳戈地方、等你可以学效常时敬畏耶和华你嘅神。

当耶和华你嘅神祝福你之时、若见路远、不能将此物拧去个处、因耶和华你嘅神所安置佢名嘅地方、离你咁远。

你就要将此物换银、将银包起、用手拧去耶和华你嘅神所揀择嘅地方。

将个的银、照心所想嘅、或买牛、或买羊、或买清酒、或买浓酒、或买你心所想嘅、你及你嘅家眷、都要在耶和华你嘅神面前饮食、同埋欢乐呀。

利未人在你哋城内住嘅、亦係噉、你唔好丢弃佢、因佢在你哋之中、冇份子、冇产业。

每逢到三年尾、要将个年土产嘅十份一、藏落你嘅城中。

在你哋之中、冇份子、冇产业、嘅利未人、共住在你城中嘅旅客、孤儿、寡妇、都可以嚟到食饱、等耶和华你嘅神在你手凡所做嘅事嚟祝福你。