申命记 18 · 1888《复传律例书》（《申命记》，香港理工大学数据）

做祭司嘅利未人、及利未支派嘅群众、在以色列人之中冇份得产业、独係耶和华嘅火祭、作为佢哋嘅产业、就可以食。

佢哋在兄弟之中、必唔得产业、耶和华係佢嘅业、好似佢也曾对佢哋讲嘅。

百姓献祭物、或牛、或羊、有的係祭司所当受嘅、必要将腿共两便顋颊、及脾胃、俾过祭司。

始初收成嘅谷、或酒、或油、或初结嘅果子、及初剪嘅绵羊毛、亦要俾过祭司。

因为耶和华你嘅神、揀选佢共佢嘅子孙、从你哋各支派中、永远托耶和华嘅名、侍立奉事。

若有一个利未人、佢嘅子孙、从佢所生以色列嘅一个城出嚟、诚心愿意、到耶和华所揀择嘅地方。

佢就必托从耶和华佢神嘅名嚟奉事、如似佢兄弟中嘅利未人、在耶和华面前侍立噉。

就要在佢所卖嘅产业之外、俾佢哋有份、同食祭物。

你到哓耶和华你嘅神所赐过你嘅地方、唔好学个处各国可憎恶嘅行为。

你哋之中、不可有人使仔女经过火中、及行邪术嘅、靠占卜嘅术数嘅、巫术嘅。

画符念咒嘅、钩魂嘅、问觋嘅、及问死人嘅。

凡行呢的、都係耶和华所憎恶、因呢的可憎恶嘅事、耶和华你嘅神、就在面前赶逐佢哋。

你应当在耶和华你嘅神面前做完全嘅。

因你所承受嘅国、个的人平素係听从占卜嘅、行邪术嘅、但係耶和华你嘅神、断唔容你做噉样嘅事。

耶和华你嘅神、将来必在你兄弟之中、为你立一个先知、似我一样、你哋要听从佢。

照你从前在何烈山、大会嘅日子、也曾求耶和华你嘅神话、愿耶和华我嘅神、再唔使我听闻佢嘅声音、亦唔再使我睇见猛火、免致我死亡。

耶和华对我话、佢哋所讲係著呀。

我必在佢兄弟之中、为佢哋立一个先知、似你一样、我将我嘅说话、传在佢口中、佢必将我所吩咐嘅、示谕大众。

若有人唔听我话、即係个先知托我名嚟讲嘅、我必究佢嘅罪。

若有先知擅自托我嘅名、传我所未曾吩咐佢传嘅说话、或托别神嘅名嚟讲、个先知必要受死。

你哋心里、若话耶和华所未曾吩咐嘅说话、我哋点能知到呢。

但凡先知托耶和华名嚟讲、若係个的事唔成就、唔应验、噉就係耶和华所未曾吩咐嘅、实係先知擅自嚟讲、你哋唔使怕佢。