申命记 2 · 1888《复传律例书》（《申命记》，香港理工大学数据）

我哋就起程、转路入旷野、向红海个条路去、照依耶和华对我所讲嘅、又行匀西耳山好多日。

耶和华对我话。

你哋行匀呢个山咁耐罢咯、要转向北便去。

你吩咐百姓话、要经过你兄弟以扫嘅子孙所住西耳嘅境界、佢哋必惧怕你、所以你哋要谨慎。

唔好搅扰佢哋、因为佢个的地、我唔赐过你哋、即使踏脚咁多都唔赐、因我已经将西耳山、赐过以扫做产业咯。

你必要用银共佢哋买粮、致有得食、你亦要用银共佢哋买水、致有得饮。

因为耶和华你嘅神、已经祝福你手所做嘅事、又知到你行过咁大嘅旷野、此四十年之间、耶和华你嘅神、同埋你喺嗻、令你一的都冇欠缺。

噉就我哋经济我兄弟以扫嘅子孙、即係住在西耳山嘅、由以辣及以旬迦别、喺旷野个条路。我哋就转路向摩押旷野去。

耶和华吩咐我话、你唔好搅扰摩押人、唔好攻打佢哋、佢嘅地方、我唔𢬿嚟赐过你哋做产业、因为已经将亚耳赐过罗得子孙做产业。

从前有以米人住在个处、百分点众多、身体高大、好似亚纳人。

人作佢係奇伟人、好似亚纳人噉、摩押人称佢为以米人。

从前何林人、亦住在西耳、以扫嘅子孙将佢哋剿灭、得个的地嚟居住、好似以色列人在耶和华赐过佢哋做产业所行嘅一样。

又话、如今起身、过西勒溪、于是我哋过西勒河。

我哋从迦铁巴尼亚嚟个时、至到过西勒溪个日、共计三十八年、等到呢个世代嘅各勇士、都死在军中、照耶和华向佢哋所发誓嘅噉。

兼之耶和华嘅手攻击佢哋、从军中将佢哋剿灭嘥。

噉就各勇士在百姓中死嘥个时。

耶和华吩咐我话。

今日、你要直行过摩押嘅边界亚耳。

行交亚扪人处、唔好搅扰佢哋、亦唔好攻打佢哋、因为亚扪子孙嘅地、我唔𢬿嚟赐过你做产业、已经赐过罗得子孙做产业咯。

从古时有奇伟人住在个处、人话个处係奇伟人嘅地、亚扪人称佢做三送冥。

个处嘅百姓众多、身体高大、好似亚纳人、但耶和华在亚扪人面前、将佢哋剿灭、使亚扪人得个的地嚟居住。

耶和华所行、亦好似在住西耳山嘅以扫子孙面前、剿灭何林人噉、使以扫子孙得个的地嚟居住、至到今日。

从前甲托人、由甲托出嚟、将住在哈洗林至到亚萨嘅亚䇲人嚟剿灭、就喺佢哋个处居住。

又话、你哋要起程行过亚嫩谷、睇吖、我将亚摩哩人希实本王西宏交过你手、你如今要喐手得佢嘅地、去共佢打仗。

今日、我必使天下万民畏惧你、等佢哋听闻你嘅名声、都慌到打震悲哀。

我于是打发使者、由基底莫嘅旷野、到希实本王西宏处、将和睦嘅言语、对佢话。

求你准我经过你嘅地、独係行大路、唔行左便右便。

愿你受我嘅银、将粮卖过我食、亦受我嘅银、将水卖过我饮、但愿你俾我行过。

等可以过约但河、到耶和华我哋嘅神所赐过我嘅地方、你看待我哋、要好似住在西耳嘅以扫子孙、住在亚耳嘅摩押人噉。

但希实本王西宏唔准我哋行过佢处、因为耶和华你嘅神、使佢性情顽梗、心中刚硬、等可以将佢交过你手、好似今日。

耶和华吩咐我话、睇吖、我𢬿西宏及佢嘅地、赐过你、你要喐手得到佢嘅地做产业。

个时、西宏共佢嘅百姓出嚟攻打我哋、在亚哈斯交战。

耶和华我哋嘅神、将佢交过我哋、噉就我哋攻击佢嘅众子、及百姓。

个时、我哋抢夺佢嘅城邑、将各城共所有嘅男女及细蚊仔、都剿灭嘥、一个都冇留存。

惟係畜牲及所抢夺各城嘅物件、尽留存我自己用。

从亚嫩谷边嘅亚啰耳、共山谷中嘅城、一直到基列、冇一个城係坚固、得阻住我哋、因为耶和华我哋嘅神、都𢬿嘥嚟交过我哋。

独係亚扪人嘅地、及凡近雅泊河个处、共山上嘅各城、及耶和华我哋嘅神所禁止我哋入去嘅、你都冇去到。