申命记 20 · 1888《复传律例书》（《申命记》，香港理工大学数据）

你出去共仇敌打仗、若见马及马车、军兵又多过你、唔使怕、因为带你出埃及耶和华你嘅神、同埋你喺处。

你哋将近打仗个时、祭司要到百姓面前、对佢哋话。

以色列人听喇、你哋今日近仇敌、想共佢打仗、唔好胆怯、惧怕、打震、又唔好因仇敌就惊慌。

因为耶和华你嘅神同埋你去、为你共仇敌打仗、就救护你。

官长亦要对百姓话、乜谁起紧新屋、尚未曾区别呢、佢可以番去屋𨀣、恐怕佢阵亡、被别人去区分呀。

乜谁种紧菩提园、尚未曾食个的果子呢、佢可以番去屋𨀣、恐怕佢阵亡、被别人去食呀。

乜谁聘定个妻、尚未曾娶呢、佢可以番去屋𨀣、恐怕佢阵亡、被别人去娶呀。

官长要再对百姓话、乜谁惧怕胆怯呢、佢可以番去屋𨀣、恐怕佢嘅兄弟胆怯、好似佢一样。

官长吩咐百姓之后、就要设立兵头嚟统带百姓。

你到一个城、想攻打、先要讲和平嘅说话。

若係将和平嘅说话应答你、为你开门、噉就城中所有嘅百姓、要纳税过你、又服事你。

若唔肯共你和好、想共你打仗、你就要围困个城。

耶和华你嘅神、已经将个城交过你手、你要用刀杀嘥个的男丁。

其余妇女、嫩仔、畜牲、及城中凡所有嘅、即係所抢夺嘅财物、可以归你自己、你所抢夺仇敌嘅食物、係耶和华你嘅神所赐过你嘅、你可以食得。

离你好远嘅城、唔属呢的列国嘅、你要照噉样嚟看待。

惟係呢的列国嘅城、即係耶和华你嘅神所赐过你做产业嘅、其中凡有生气嘅人物、你不可留存。

要依耶和华你嘅神所吩咐你嘅、尽地灭嘥、即係赫人、亚摩哩人、迦南人、比哩洗人、希未人、耶布士人。

免致佢哋教你、学佢哋行可憎恶嘅事、好似自己向佢哋嘅神所行嘅、令你得罪耶和华你嘅神。

你围困城、攻打好耐日子、想夺取城、就唔好用斧头斩嘥个的树木、因为的果子、你可以食得、而且田嘅果木、係养人嘅、所以唔好斩伐、𢬿嚟做围困城嘅器具。

独係你识佢係冇果子可食嘅树、就要斩短、等可以撘营垒、攻打你对敌嘅城、至到佢哋归服。