申命记 21 · 1888《复传律例书》（《申命记》，香港理工大学数据）

耶和华你嘅神、在所赐过你嘅地方、若係遇著一个人被杀死、尸𡂈在田、唔知杀人係乜谁。

长老共审事官、就要出去、从被杀嘅人喺处嘅地方、至到四围城邑、量过有几远。

被杀嘅人、离边个城至近、个城嘅长老、要从牛群之中、搵一只未曾耕田、未曾孭轭嘅母牛仔。

长老要拉只母牛仔、去到长流水、冇人耕种嘅山谷、在谷中砍断牛仔嘅颈。

祭司利未人、应当近前、因耶和华你嘅神揀择佢哋服事佢、又托耶和华嘅名嚟祝福、要凭佢哋嘅口嚟审各样告讼嘅事。

被杀嘅人、所离至近嘅城、其中嘅长老、要在山谷中被斫断颈嘅母牛仔上、洗手。

祷告话、我哋嘅手、未曾流此人嘅血、我哋嘅眼、六=亦未曾见。

耶和华呀、求你怜悯你百姓以色列人、即係你所救赎嘅、唔好使流无辜血嘅罪、归于你百姓以色列人、噉就流血嘅罪、必得赦免。

你行耶和华所喜悦嘅事、就在你哋中、除去流无辜血嘅罪。

你出去共仇敌打仗之时、或耶和华你嘅神将佢哋交过你手、手就抢掠个的人。

若见其中、有美貌女人、你爱慕佢、想娶佢为妻。

可以带佢到你屋𨀣、要使佢剃头发、修指甲。

脱去佢被掳掠个时所著嘅衣服、住在你屋里、为父亲哀哭一个月、然后可以共佢同房、做佢嘅丈夫、佢做你嘅妻。

后来你若唔欢喜佢、要随佢所想、由佢出去、断唔好为贪财就卖佢、亦唔好使佢自卑、因你也曾玷污佢呀。

人若有两个妻、亲爱一个、憎恶一个、所亲爱嘅、所憎恶嘅、都生仔、但长子係所憎恶个妻生嘅。

到哓分产业俾过仔个时、不可将所亲爱个妻嘅仔立为长子、令先过本来係长子、即係憎恶个妻所生嘅。

必要立所憎恶个妻嘅仔为长子、将所有嘅产业、加多一份、俾过佢、因为长子係人佢始初强壮个阵所生嘅、长子嘅名份、係属佢。

人若有仔、係忤𠸺嘅、唔听从父母嘅说话、父母虽然打责佢、佢仍然唔肯听从。

父母就要捉住佢、拉佢到本土嘅城门、到本城嘅长老处。

对本城嘅长老话、呢个我哋嘅仔、係顽梗忤𠸺、唔听从我哋嘅说话、浪费钱财、贪食烂饮。

本城嘅百姓、就要用石矴死佢、噉样在你哋之中、将恶除灭、众以色列人、听闻、就必惧怕。

若有人犯死罪被杀、挂在木上。

就唔好留佢尸在木上过夜、要从个日葬埋、免致耶和华你嘅神所赐过你做产业嘅地染污秽、因为凡被挂起嘅人、在耶和华面前、都算受咒诅呀。