申命记 23 · 1888《复传律例书》（《申命记》，香港理工大学数据）

凡人嘅肾受伤、或被阉割嘅、唔好入耶和华嘅会。

私吓生嘅仔、唔好入耶和华嘅会、至到十代、都唔好入耶和华嘅会。

亚扪人共摩押人、唔好入耶和华嘅会、至到十代、永远唔好入耶和华嘅会。

因为你哋出埃及个时、佢哋未曾拧饼共水、在路上迎接你哋、又贿赂米所波大米嘅比夺人庇耳仔巴兰、嚟咒诅你哋。

耶和华你嘅神唔肯听巴兰话、耶和华你嘅神、令佢所咒诅嘅变为祝福、因耶和华你嘅神、爱惜你呀。

你哋一生噉耐、至到永远、唔好帮助佢哋得平安、得益处。

你唔好怨恨以东人、因佢哋係做你兄弟呀、亦唔好怨恨埃及人、因你从前在佢处做客旅呀。

佢哋所生嘅子孙、至到三代、致可以入耶和华嘅会。

你若出兵攻打仇敌、自己就要禁戒恶事。

你哋之中、若有人因夜梦所遗嘅污秽、染哓不洁、就要出去营外、唔好入营里。

到挨晚个时、应当用水洗浴、等到热头落、致可以番入营。

你要在营外、揀择一(口笪)可以方便嘅地。

你嘅器械之外、要预备锄头、你出去溲溺个时、要𢬿嚟掘泥、番转身、掩葢你所出嘅。

因为耶和华你嘅神、在你营中行、嚟救护你、在你面前、将仇敌交过你、所以你嘅营、必要圣洁、免致神见你哋之中、有污秽、就丢弃你。

若有奴仆离开主、逃走到你处、你唔好将佢俾番过佢主。

佢必同埋你、住在你哋中间、由佢欢喜揀择边一个城内居住、唔好刻薄佢。

以色列嘅女中、不可有妓妇、以色列嘅男人中、不可有娈童。

你不可拧妓妇所得嘅钱、或卖狗嘅钱、入耶和华你嘅神殿中嚟还愿、因呢两样係耶和华你嘅神所憎恶嘅。

你兄弟或向你借钱银、借食物、借凡可生利息嘅物、你不可要佢纳利息。

外邦人可以要佢纳利息、惟係你嘅兄弟、不可要佢纳利息、等耶和华你嘅神在你要入去承受嘅地、向你手凡所做嘅事、都祝福你。

你已经向耶和华你嘅神许愿、就唔好咁迟酬还、因耶和华你嘅神、必究问你、而且罪归于你。

你若唔许愿、就冇罪。

你口凡所出嘅说话、要守住嚟行、即係照你在耶和华你嘅神面前、亲口所讲许愿献礼物。

你入你邻舍嘅菩提园、可以随意食饱菩提果、但不可藏落你嘅器皿。

你入你邻舍未收割嘅禾田、可以用手摘禾穗、但不可用镰刀割你邻舍嘅禾呀。