申命记 33 · 1888《复传律例书》（《申命记》，香港理工大学数据）

属神嘅人摩西、未死之前、向以色列人祝福、所讲係噉。

佢话耶和华从西乃山嚟、在西耳山向众人显现、从巴兰山发出光辉、从一万数之圣者嚟到、由右手发出猛火、做百姓嘅律法。

佢怜爱众百姓、众圣者、归你手下、都坐在你脚下、必听闻你嘅说话。

摩西将律法吩咐我哋、即係俾雅各会众做产业。

百姓嘅牧长、以色列众支派、聚集个时、佢在耶书仑做君王。

愿流便生活唔死亡、惟愿佢人数唔加多。

祝福犹大就话、耶和华呀、愿你听犹大所求、带佢番去本民、使佢手为自己争战、又话帮助佢抵挡仇敌。

论及利未话、你嘅土明及你嘅乌陵係同你嘅圣洁者有份、即係你在马撒也曾试验佢、又在米哩巴水、共佢争论嘅、

佢讲及父母、话、我未曾睇见、佢亦唔认识兄弟、唔睇顾仔女、因佢哋已经听从你嘅诫命、谨守你嘅约。

佢哋必将你嘅法度、教训雅各、将你嘅律例、教训以色列、佢哋在你面前焚香、及在你坛上献燔祭。

耶和华呀、愿你祝福佢嘅产业、悦纳佢手所做嘅事、有兴起嚟攻击佢嘅、怨恨佢嘅、就打折佢仇敌嘅腰、等佢不能再兴起。

论及便雅悯话、耶和华所爱嘅必共佢安然同住、耶和华必成日庇佑佢、必住在佢嘅膊肩。

论及约瑟话、愿佢嘅地土、受耶和华祝福、得天上嘅宝物共甘露、及藏在地下嘅水。

得热头所晒成嘅美果、月光所养成嘅宝物。

老山嘅美物、古岳嘅异宝。

地上嘅宝贝、共满地嘅美物、及居荆棘中嘅神所赐嘅恩、愿呢的福、都归于约瑟嘅头、即係远离兄弟嘅人之顶上。

佢荣耀好似第一胎嘅牛仔、佢角好似野牛嘅角、用呢的嚟抵触百姓、至到地极、此係以法莲嘅万万、马拿西嘅千千。

论及西布伦话、西布伦呀、你出外可以欢喜、以萨迦呀、你在帐幕内可以快乐。

佢哋将召百姓上山、在个处献公义嘅祭物、佢哋必食海中嘅丰厚、及沙里所藏嘅珍馐。

论及迦得话、使迦得阔大嘅、有福咯、佢𡂈处好似母狮、撕烂臂共头顶。

佢为自己预备先得嘅份、因设立律法嘅为佢留存产业、佢同百姓嘅牧长嚟到、遵行耶和华嘅公义、亦遵行律例、嚟待以色列人。

论及但话、但係狮仔、佢必从巴山跳过嚟。

论及纳大利话、纳大利呀、得恩既足、充满耶和华嘅祝福、你必得西方南方做产业。

论及亚设话、亚设呀必得仔女、享受祝福、被佢兄弟欢喜、又可以将脚浸落油中。

你嘅鞋、将必你铁嘅、係铜嘅、你一世咁耐、都强壮有力。

耶书仑呀、冇别个似得神、佢升在天上嚟救护你、乘在云中显出佢嘅荣耀。

永生嘅神、做你嘅住所、永远嘅臂、在你之下、佢在你面前、赶逐仇敌、吩咐话、灭绝咯。

以色列人平安居住、独係雅各井留存、在有酒共谷嘅地方、天上亦降甘露。

以色列人呀、你有福咯、乜谁似得你做耶和华所救嘅百姓呢、佢做帮助你嘅藤牌、做你得荣耀嘅刀剑、你仇敌必顺服你、你必上佢哋嘅高山。