申命记 5 · 1888《复传律例书》（《申命记》，香港理工大学数据）

摩西召以色列会众、对佢哋话、以色列人呀、我今日向你耳边所讲嘅律法、你哋要听、等可以学习、谨守、遵行。

耶和华我哋嘅神、在何烈山、共我哋立约。

呢的约、耶和华唔共我列祖立嘅、係共我哋今日在呢处存活嘅人立嘅。

耶和华在山上、从火中当面吩咐你哋。

个时我企在耶和华及你哋嘅中间、将耶和华嘅说话传过你哋、因你哋见火就惊慌、唔敢上山。

耶和华话、我耶和华係你哋嘅神、带你哋离开做奴仆嘅屋出埃及地嘅。

我之外你哋唔好有别个神。

唔好为自己雕刻偶像、学番天上地下、及地下水中各物嘅样子。

唔好跪处拜佢、亦唔好服事佢、因为我耶和华係你哋嘅神、不容人有别个神、憎恶我嘅、罚佢嘅罪恶、自祖父到子孙、三四代。

爱我及守我诫命嗁、就赐恩过佢、至到千千代。

你哋唔好妄称耶和华嘅名、因为妄称佢嘅、耶和华必唔以佢为冇罪呀。

要守安息日为圣日、遵依耶和华你嘅神所吩咐你哋嘅。

六日之内要做各样工夫。

第七日、係耶和华你神嘅安息日、个日、唔好做工夫、你共你仔、女、仆、婢、牛、驴、各样畜牲、及在你屋内寄居嘅、都係、使你嘅仆婢、都得安息、好似你噉。

你哋要记念从前在埃及做奴仆、耶和华你嘅神用大能力、举手带你哋出哓个处、因此耶和华你嘅神吩咐你哋守安息日。

你哋应当遵依耶和华你嘅神所吩咐、孝敬你嘅父母、等你可以在你神所赐过你嘅地长久享福。

你不可杀人。

不可行淫。

不可偷嘢。

不可妄证你嘅邻舍。

不可贪你隣舍嘅妻、共佢嘅屋、田、仆、婢、牛、驴、及凡佢所有嘅。

呢的说话、係耶和华在上、从火中云中及黑暗之中、大声示谕你哋全会冇加说话添、又写落两块石碑、交过我。

火燄烧山之时、你哋从黑暗中、听闻有声出、就各支派嘅牧长共长老嚟到我处。

而且对我话、睇吖、耶和华我哋嘅神、将荣光威权显示过我哋、我哋听闻佢嘅声音、从火中处出嚟、就今日见到神共人讲、人都重生。

我哋何必要死呢、因为呢的猛火近烧我哋、若係再听闻耶和华我神嘅声音、就必死咯。

万人之中、乜谁似得我哋听闻活神从火中所讲嘅声音重生活呢。

请你去听耶和华我哋嘅神、凡所示谕、我神凡所示谕你嘅、传过我哋、我哋是必依住遵行。

你哋共我噉讲、耶和华听过就示谕我话、我已经听闻呢的百姓嘅说话、共你所讲嘅、俱係善呀。

我愿佢哋有噉嘅心、使佢哋畏惧我、常时守我嘅诫命、等佢哋共子孙、永远得福。

要你去对佢哋话、你哋再番去你嘅帐幕。

惟係你要企在呢处、等待我𢬿立命律例法度指示你、等你传教百姓、使佢哋在我所赐过佢嘅地方嚟行。

故此你哋必要谨守遵行耶和华你嘅神所吩咐你哋嘅、唔好转左便右便。

耶和华你嘅神所吩咐你哋行嘅个条路要遵行、等可以得生得福而且在你所承受嘅地加增日子。