出埃及记 1 · 1888《出埃及记》（粤语联合译本，香港理工大学数据）

以色列众子、各人带家眷、同埋雅各到埃及嘅、个的名列明在后。

即係流便、西面、利末、犹大。

以萨迦、西布伦、便雅悯。

但、纳大利、伽得、亚设。

凡由雅各所生嘅、共有七十人、约瑟已经喺埃及。

约瑟共众兄弟、与友个代嘅人、俱死哓。

以色列子孙来生养、人数加多、又大强盛、充满个处地方。

当时埃及有新王登位、唔记念约瑟。

对佢嘅百姓话、睇吖、以色列嘅子孙、强盛过我哋。

我哋要用巧计多待佢、免致佢哋越发生多、日后或有争战、佢哋跟从我嘅仇敌嚟攻打我哋、而且离开此地去哓。

故此设立督工嘅人、管辖佢哋、勉强佢担抬、为法老建比东、兰塞、两个城、嚟做库房。

但越发难为、佢哋越发生养多、噉就埃及人为以色列人好忧愁咯。

埃及人严束以色列人做苦工。

逼佢哋好劳苦搓泥、整砖、及做田中各样工夫、等佢哋辛苦度日、所有使佢做嘅工夫、冇样唔严令嘅。

有做希伯来嘅接生婆、一个名叫十拉、一个名叫部亚、埃及王对佢哋话。

你为希伯来妇人接生、临产之时、见係仔、就杀死佢、见係女、就留存佢。

惟接生婆畏惧神、唔遵依埃及王所吩咐嘅、仍然留存个的男仔嘅性命。

埃及王召个的接生婆嚟、对佢哋话、你为乜噉做、留存男仔嘅性命呢。

接生婆对法老话、因为希伯来妇人唔同埃及妇人、佢係壮健、接生婆未曾到、佢已经生产咯。

所以神施恩典过接生婆、以色列百姓就越发强盛。

因接生婆畏惧神、故此神令佢哋成立家族。

法老就吩咐众百姓话、凡所生嘅男仔、你必要𢫕落河、单独女仔、你可以留存佢性命呀。