出埃及记 2 · 1888《出埃及记》（粤语联合译本，香港理工大学数据）

有一个利末族人、去娶一个利末女。

个女人怀胎生仔、见个仔好样、就藏埋三个月。

后来不能再藏埋、就拧一个芦荻整嘅箱、𢬿石油松香搽密、挤个仔落箱中、放在河边芦荻处。

佢大姊隔远企处、睇佢遇著乜嘢。

法老嘅女落河处洗身、佢妹仔喺河边闲游、个女子喺芦荻处见此箱、就打发一个妹仔拧嚟睇。

揭开就见个嫩仔、嫩仔哭喊、女子就怜悯佢、话、呢个係希伯来人嘅仔呀。

个大姊就对法老女话、我去希伯来妇人之中、请奶妈为你养呢个嫩仔、好唔好呢。

法老女话、去喇、个童女就去请嫩仔嘅母亲嚟。

法老女对佢话、你带呢个嫩仔去、为我喂养、我就俾人工过你、妇人就带嫩仔去喂养。

个仔渐渐长大、就带去法老女处、做佢嘅仔、女子改佢名叫摩西、意思话、我喺水中救佢呀。

当时、摩西已经长大、出去众兄弟处、睇佢哋担抬、见一个埃及人打一个希伯来人、即係佢兄弟中之一个。

周围望吓、见冇别人喺处、就杀死埃及人、藏佢落沙中。

第日又出去、见有两个希伯来人争斗、就对个为非嘅人话、你为乜打你嘅同族呢。

个人话、乜谁立你做官长、做审事嘅、嚟管理我哋呢、你想杀我好似杀埃及人噉咩、摩西就慌、话、呢件事真係泄漏咯。

法老闻得此事、就想杀摩西、摩西避开法老、走去米田居住、坐在井边。

米田祭司有七个女、佢哋嚟打水、打满个槽、俾父亲嘅羊群饮。

有牧人嚟到、赶逐佢哋、摩西就起身帮助个的女、而且俾水过佢嘅羊饮。

个的女番去见父亲流耳、父亲话、今日你哋为乜咁快番嚟呢。

答话、有一个埃及人救我脱甪众牧人嘅手、又为我哋打水、俾过羊群饮。

父亲对个的女话、此人喺边处、做乜剩落佢呢、你请佢嚟食饼喇。

摩西欢喜共个人同住、个人𢬿自己女西坡喇嫁摩西。

此女人生仔、摩西改佢名叫革顺、意思话、我喺外邦做旅客呀。

过哓好耐、埃及王死、以色列人因做工夫受劳苦、就叹息叫喊、佢哋叫喊嘅声、上到神处。

神听闻佢哋叹息、记起平素共亚伯拉罕、以撒、雅各所立嘅约。

神就睇顾以色列人、又怜念佢哋。