出埃及记 22 · 1888《出埃及记》（粤语联合译本，香港理工大学数据）

人若偷牛羊、或㓥哓、或卖哓、就要𢬿五牛赔一牛、四羊赔一羊。

或有贼开墙宠、人打死佢、唔使为佢流血。

若係热头已经出、就要为佢流血、因为贼所偷嘅嘢、要赔番嘥、贼若不能赔、就要卖身赔番所偷嘅。

若所偷嘅物、重喺佢手下生活、唔论牛、羊、驴、都要赔番双倍。

或係田、或係菩提园、若有人放纵畜牲入去、食哓所种嘅嘢、个人要𢬿自己至好嘅田产、及佢园中至好嘅果赔番。

若係放火烧荆棘、致令烧坏人嘅谷堆、或未割嘅禾、或田地、放火嘅人就要赔番。

人若𢬿银两货物交托邻舍看守、从邻舍家中被偷哓、或捉倒贼、就要佢赔番双倍。

若唔捉到贼、就要带家主到审事官面前、问佢有抢个的财物冇。

但凡失物、唔论牛、羊、驴、衣服、及各样物件、有人认得係属自己嘅、两造要到审事官面前申诉、审事官判定当罚嘅人、就要赔番双倍。

人若𢬿驴、或牛羊、及各样畜牲、交托邻舍看守、畜牲或死或伤、或被人抢、冇别人睇见。

两人之中个受托嘅必要指住耶和华发誓、话、我未曾抢邻舍嘅物、失主就要允准、佢唔使赔番。

畜牲若从佢处被偷去、就要赔番过失主。

若係被野兽咬死、就要拧嚟做证、唔使赔番所咬死嘅。

人若共邻舍借畜牲、或係受伤、或係死、个原主唔同佢喺处、就要赔番。

原主若同佢喺处、就唔使赔番、若係雇嚟、就在工价扣番。

人若引诱未曾受聘嘅童女、共佢同房、就要聘佢做妻。

倘若童女嘅父亲、是必唔肯嫁过佢、就要赔番嫁妆银过佢。

行邪术嘅女人、你咪容佢生活。

凡共畜牲行淫嘅、必要受死。

人若在耶和华之外又拜别神嘅、必将佢灭绝。

做旅客嘅、你唔好刻薄佢、亦唔好搅扰佢、因为你哋在埃及地、也曾做旅客呀。

凡係寡妇孤儿、你唔好刻薄佢。

若係刻薄佢、佢祷告我、我必听佢祷告。

我嘅恼怒必大、哙用刀剑杀你、令你哋嘅妻做寡妇、仔做孤儿。

我百姓有贫穷嘅共你同居、你若借银过佢、咪好似放债嘅人、叫佢纳利过你。

你若拧邻舍嘅衣服做当头、热头落之时、就要俾番佢。

因呢的衣服係佢遮身嘅、若係冇、点能瞓呢、我係慈悲嘅、佢祷告我、我必肯听。

你不可咒骂士师、亦不可咒诅民长。

丰熟嘅谷共酒、你不可迟慢献过我、你所生嘅长子、亦要献过我。

你嘅牛、羊、亦要噉样做。七日跟从佢母、到第八日、要𢬿嚟献过我。

你哋要做我嘅圣民、田间嘅畜牲、被野兽咬死、个的肉唔好食、要𢫕过狗食。