出埃及记 32 · 1888《出埃及记》（粤语联合译本，香港理工大学数据）

百姓见摩西迟延唔落山、就聚集在亚伦处对佢话、你起身、为我哋整神像、可以先过我哋行、因为带我哋出埃及嘅摩西、我哋唔知佢遇著乜嘢。

亚伦对佢哋话、你哋妻共仔女耳上嘅金环、你要摘甪拧嚟我处。

众百姓就摘甪佢哋耳上嘅金环、拧嚟交过亚伦。

亚伦喺佢哋手中接哓、用金铸成牛仔、𢬿锤共凿嚟整出形像、众人话、以色列人呀、呢的係你嘅神、即係带你哋出埃及地嘅。

亚伦睇见、就喺牛仔面前起一个坛、又出告示话、明日係耶和华嘅节筵。

第朝早、群众起身献燔祭、又献酬恩祭、而且坐处饮食、起身顽耍。

耶和华对摩西话、你落去喇、因你所带出埃及地嘅、即係你嘅百姓、已经变坏咯。

反转离开我所吩咐嘅道、为自己铸金牛仔、拜佢祭佢、又话、以色列人呀、呢的係你嘅神、即係带你哋出埃及地嘅。

耶和华又对摩西话、我睇吓呢的百姓、见佢真係板颈的百姓。

所以你要由得我、等我发怒、灭嘥呢的百姓、令你成为大国。

摩西恳求神耶和华话、耶和华呀、为乜咁恼怒你百姓呢、即係你用大权能大手力、带出埃及地嘅。

为乜令埃及人讲话、佢带佢哋出去独係想害佢哋、喺山上将佢哋杀死、喺地上将佢哋灭绝呢、求你息怒、唔𢬿灾祸降落你嘅百姓处。

记念你仆人亚伯拉罕、以撒、以色列、从前你指住自己向佢哋发誓、又共佢哋讲话、我必加增你嘅后裔、好似天星咁多、我所应许嘅全地、必赐过你嘅后裔、永远做产业。

于是耶和华悔恨也曾所讲嘅、即係话降灾祸落自己百姓处。

摩西退步落山、手揸两块证词可碑、碑上两便都有字、呢便有未、个便亦係。

的石碑係神造嘅、的字係神所写落刻在碑上嘅。

约书亚听闻百姓喧哗、就对摩西话、呢的係营盘内喊杀嘅声呀。

摩西话、我所听闻嘅、唔係打胜仗嘅声、亦唔係打败仗嘅声、乃係唱歌嘅声呮。

摩西行近营盘、睇见牛仔、与及百姓跳舞、就好恼怒、将两块石碑𢫕落山脚、跌碎哓。

又将佢哋所整嘅牛仔、用火焚烧、又磨成粉、撒落水中、叫以色列人饮。

摩西对亚伦话、呢的百姓向你做乜嘢、致令你陷佢哋落咁大罪呢。

亚伦话、我主唔好恼怒、你知百姓係专做恶事嘅咯。

佢哋对我话、为我哋整神像、可以先过我哋行、因为带我哋出埃及嘅摩西、我哋唔知佢遇著乜嘢。

我对佢哋话、凡有金器嘅、就要摘甪、噉佢哋都交过我、我𢬿 金𢫕落火中、就整出呢只牛仔。

摩西见百姓放肆、都因亚伦容纵佢哋、致令佢哋被仇敌耻笑。

个时摩西企在营门口、话、乜谁属耶和华嘅、就嚟我处、于是利未人俱聚集到佢处。

摩西对佢哋话、以色列嘅神耶和华噉话、你各人腰间(马犬)刀、由呢度门到个度门、喺营盘往来、各人都将各人兄弟、朋友、邻舍杀死。

利未人就遵依摩西所讲嚟行、个日、百姓之中死亡嘅大约有三千人。

摩西话、你哋今日各人带自己嘅仔女兄弟为耶和华行掬盈礼、等耶和华今日祝福你哋。

到第二日、摩西对百姓话、你哋已经犯大罪、如今我去朝见耶和华、或是可以赎你哋嘅罪。

摩西番去朝见耶和华话、呢的百姓已经犯大罪、为自己铸造金神像。

如今你或者肯赦免佢哋嘅罪、若唔係、就求你喺所写嘅册、抺甪我嘅名。

耶和华对摩西话、凡係得罪我嘅、我必喺我册上抺甪佢嘅名。

如今你去带百姓到我共你讲嘅地方、我嘅使者必先过你行、到我罚罪嘅日子、我必罚佢哋嘅罪。

耶和华就𢬿灾祸降落百姓处、因佢哋整牛仔、即係亚伦所整嘅。