出埃及记 33 · 1888《出埃及记》（粤语联合译本，香港理工大学数据）

耶和华对摩西话、你离开呢处去、同埋你所带出埃及地嘅百姓、到我共亚伯拉罕、以撒、雅各、发誓嘅地方、话、我将此乎赐过你哋后裔嘅。

我要打发一个使者喺你前便行、我要赶逐迦南人亚摩哩人、赫人、比哩洗人、希未人、耶布士人。

带你到流乳共蜜糖嘅地方、我必唔同埋你哋上去、因你哋係板颈嘅百姓、恐怕我喺路上将你哋灭绝。

百姓听闻呢的危险说话、就好忧愁、唔妆饰自己。

耶和华对摩西话、你要对以色列人讲、话、你哋係板颈嘅百姓、我若临到你哋之中、一阵间必将你哋灭绝、如今你哋摘甪妆饰、等我知到点样待你哋。

以色列人自从何烈山摘甪佢哋嘅妆饰。

摩西将帷幕撘在营盘之外、离营盘好远、称个笪为会幕、凡求问耶和华嘅、就出去营盘外嘅会幕。

当摩西出去帷幕个时、众百姓都起身、各人企在自己帐门口、望住摩西、等待佢入帷幕。

适值摩西入帷幕个时、有云柱降落嚟、止在帷幕门口、耶和华就共摩西讲。

众百姓见云柱止在帷幕门口、就起身、各人喺自己门口跪拜。

耶和华共摩西当面讲论、好似人共朋友讲论一样、后来、摩西入番营盘、惟係佢嘅大臣嫩嘅仔、少年人约书亚、唔离开帷幕。

摩西对耶和华话、睇吖、你对我话、带呢的百姓上去、但未曾指示我你打发乜谁同我去、惟係话、我将你嘅名选召你、你亦喺我面前得恩典。

如今我若喺你面前得恩典、就求你将你嘅道指示我、等我可以识你、亦喺你面前得恩典、而且求你记念呢的百姓、因佢哋係你嘅百姓。

耶和华话、我必亲身同你去、赐你平安。

摩西就对神话、你若唔係亲身同我去、就唔好带我哋上去。

你若唔同我哋去、人点知我共你百姓喺你面前得恩典呢、噉样我哋就得别开、即係我共你百姓喺天下万民之中得别开。

耶和华对摩西话、呢的你所讲嘅事我必定做、因为你已经喺我面前得恩典、我亦将你嘅名选召你。

摩西话、求你将你嘅荣光显过我。

神话、我必施各样恩、经过你面前、亦喺你面前传扬你耶和华嘅名、我想施恩嘅、就施恩过佢、我想怜悯嘅、就怜悯佢。

又话、你不可见我嘅面、因为冇人得见我面仍然生活嘅。

耶和华又话、睇吖、有一(口笪)近我嘅地方、你要企在石上。

当我荣光经过之时、我将你挤落石罅处、我经过必用手遮住你。

过哓移开我手、你说可以见我背脊、惟係我嘅面必唔得见。