出埃及记 38 · 1888《出埃及记》（粤语联合译本，香港理工大学数据）

又用皂荚木整燔祭嘅坛、坛係四方、长五尺、阔五尺、高三尺。

喺坛嘅四边整四角、角共坛相连、用铜镶住。

又整坛上嘅一切器具、即係盘、铲、碗、钩、火鼎、俱係𢬿铜嚟整嘅。

又为坛整一个铜网、将网放落坛外嘅四边、到个坛一半为止。

又铸四个铜环、安在铜网嘅四角、可以穿杠。

用皂荚木整抬坛嘅杠、用铜镶住。

将杠穿在坛角嘅环内、可以抬坛、坛係用板整嘅、中间係空嘅。

又用铜整洗浴嘅盘共盘脚、係用在会幕门前聚集嘅女人所献之铜镜整嘅。

又整院帷幕南便嘅布帏、用细麻线织成嘅、长一百尺。

木柱二十条、铜座二十个、柱嘅钩共桁、都係用银整嘅。

北便嘅布帏、亦係长一百尺、木柱二十条、铜座二十个、柱嘅钩共桁、都係用银整嘅。

西便嘅布帏、长五十尺、木柱十条、铜座十个、柱嘅钩共桁、都係银嘅。

又东便嘅布帏五十尺。

院门左便嘅布帏长十五尺、木柱三条、铜座三个。

右便嘅布帏长十五尺、木柱三条、铜座三个。

院四便嘅布帏、都係用细麻线织嘅。

木柱嘅座、俱係铜嘅、柱上嘅钩共桁就係银嘅、又用镶住柱头、院嘅柱、都係用银桁嚟联合。

院嘅门帘、係𢬿绣匠所用蓝色、紫色、绛色、及细麻线绣成嘅嚟整、长二十尺、高五尺、共院嘅布帏一样高。

木柱四条、铜座四个、钩係银嘅、柱头共个的桁、亦係银镶住嘅。

帷幕嘅钉、共院间四围嘅钉、俱係铜嘅。

呢间帷幕、即係证词嘅帷幕、係遵依摩西所吩咐、利未人办理嘅、托祭司亚伦嘅仔以大马计算嘅、所有数目列明在后。

犹大支派、户耳嘅孙、乌利嘅仔庇撒列、遵依耶和华所吩咐摩西嘅嚟整出各样。

同埋做工嘅有但嘅支派、亚希撒抺嘅仔亚何利巴、佢能雕刻、织锦、又用蓝色、紫色、绛色、及细麻线嚟刺绣。

凡圣所内众工所使用嘅金、即係献过神嘅金、共计有二十九𠯈啉七百三十隄喀、食照依圣所嘅隄喀。

会中被数者嘅银数、共计有一百𠯈啉一千七百七十五隄喀、係照依圣所嘅隄喀。

因为每人献上一比加、照依圣所嘅隄喀、即係半隄喀、凡被查数嘅、自二十岁以上、共计有六十万三千五百五十人。

用呢的银一百𠯈啉、铸圣所嘅座、共挂帘之柱嘅座、一百𠯈啉做一百座、每座係一𠯈啉。

又用一千七百七十五隄喀、整柱上嘅钩、亦镶住柱头、及整联络木柱嘅桁。

所献嘅铜、共计有七十𠯈啉、二千四百隄喀。

用铜嚟整会幕门口嘅座共铜坛、及坛内嘅铜网、坛上嘅一切器具。

院四围嘅座、院门嘅座、及帷幕嘅钉、并院四围嘅钉。