创世记 29 · 1873《创世记》（粤语联合译本，香港理工大学数据）

于是雅各起行、去到东方之人个处。

睇见野上一个井、有三队羊(口仆)在井边、因为呢个井、向来係俾过羊饮嘅、井水有嚿大石搇住。

各队羊嚟齐呢处、就辘开井口个嚿石、俾水过羊饮、后来又𢬿石搇番井口。

雅各对众人话、兄弟从边处嚟呢。

雅各话、你识拿鹤嘅拉班唔呢。佢地话、识吖。

雅各话、佢平安唔呢。佢地话、平安、如今佢嘅女拉结同埋羊嚟呢。

雅各话、热头重喺咁高、唔係群畜聚集时候、何不俾水过羊饮、再去喂吓佢呢。

众人话、唔好、等群畜嚟齐、辘开井口个嚿石、致可以俾羊饮嘅。

雅各共佢地讲紧个时、拉结同埋佢父亲嘅羊嚟、因父亲的羊、係佢看嘅、

雅各见舅父拉班嘅女拉结、共佢舅父拉班嘅羊、就行前去、辘开井口嘅石、俾水过舅父拉班嘅羊饮。

雅各共拉结亲嘴、夜声啼哭。

雅各又对拉结话、我係你父亲嘅外甥、利百加嘅仔、拉结就走去话过父亲知。

拉班听闻外甥雅各嚟、就走嚟迎接、抱住佢亲嘴、带佢入屋、雅各𢬿各样事讲过拉班知。

拉班话、你真係我嘅骨肉咯、就共同住一个月。

拉班对雅各话、你虽係我嘅外甥、岂可白白服事我咩、请你话我知、要几多工价吖。

拉班有两个女、大嘅叫做利亚、细嘅叫做拉结。

利亚嘅眼有的毛病、拉结形容甚美丽。

雅各爱痛拉结、就对拉班话、为你细女拉结、我愿服事你七年。

拉班话、𢬿女嚟嫁别人、不如嫁你、请你共我同住喇。

雅各为拉结嘅缘故、服事佢七年、因爱之极、睇七年都好似几日呮。

雅各对拉班话、日期已经满咯、请𢬿我嘅妻俾我、等我共佢同住。

拉班就摆设酒席、请个处各人饮。

到夜晚黑、带佢嘅女利亚嚟、共雅各同房。

又𢬿个婢悉帕、俾过佢女利亚做婢。

第朝、雅各睇见係利亚、就对拉班话、你因何噉样待我呢、我唔係拉结、致服事你咩、因何你呃我呢。

拉班话、未曾嫁大女、先嫁细女、喺我地呢处、唔著噉做嘅。

你共利亚满哓七日嘅期、我亦𢬿拉结俾过你、你为佢再服事我七年添。

雅各就依佢噉做、共利亚满哓七日嘅期、拉班又𢬿个女拉结俾过佢做妻。

而且将个婢辟拉俾过佢女拉结做婢。

雅各共拉结同房、爱拉结胜过爱利亚、后来又服事拉班七年。

耶和华见利亚失宠、就令佢怀孕、惟係拉结冇怀孕。

利亚生出个仔、名叫流便、失宠、耶和华体顾我苦楚、如今丈夫必要爱痛我咯。

又怀孕生子、就话、耶和华听见我、佢话故此再赐呢个仔过我、叫佢名为西面。

又怀孕生子、话我生哓三个仔、丈夫必定亲爱我、故此名为利末。

又怀孕生子、话如今我要赞美耶和华、故此名为犹太、于是就停住生产咯。