创世记 3 · 1873《创世记》（粤语联合译本，香港理工大学数据）

耶和华上帝所造各样生物、至诡谲係蛇、蛇对女人话、上帝唔係吩咐你咪食匀园内各树嘅果咪、

个女人答蛇话、园内各样果、我地都食得、

惟係园之中间、有一棵树嘅果、上帝话、唔好食、免致死亡。

蛇对女人话、你地未必死、

因上帝知到你地食之日、眼是必明、而且好似上帝能别善恶。

于是个女人睇吓个棵树嘅果、好食好睇、又能加人聪明、噉就摘佢嚟食、又俾过丈夫、丈夫亦食哓。

佢两人嘅眼、即时就明、觉得自己係赤身、就𢬿蕉叶嚟做裙。

到挨晚、凉风吹嚟、耶和华喺园中行游、亚当共个女人听闻佢声、就𨉖埋树里、想避耶和华上帝嘅面。

耶和华上帝叫亚当话、你喺边处。

佢话、我在园中听闻你嘅声音、因为我赤身、故此惧怕𨉖埋。

上帝话、乜谁话你知係赤身呢、我禁止你唔好食嘅果、你食哓唎咩。

亚当话、你所赐过我嘅女人、将个棵树嘅果俾我、我致食嘅。

耶和华上帝对个女人话、你因何噉做呢。个女人话、係蛇引诱我、我致食嘅。

耶和华上帝对个条蛇话、你既做呢件事、你受咒诅、必关係六畜百兽、你个肚必贴地嚟行、一生食尘。

我又令你共女人做仇敌、你嘅后裔共女人嘅后裔、亦係做仇敌、佢嘅后裔、将伤你嘅头、你将伤佢嘅脚。

又对个女人话、我必令你怀孕係辛苦、生产係艰难、你必向慕丈夫、丈夫必管理你。

又对亚当话、你既听妻子嘅话、食哓我所禁个棵树嘅果、地要因你受咒诅、你必定一生辛苦、由佢得食。

地土必为你生出荆棘蒺藜、亦要食田上嘅蔬菜。

必定流汗满面、致可以养口、直到归土之日、因为你由泥尘出嚟、亦必归番泥尘。

亚当改佢妻嘅名做夏娃、因为佢係群生嘅母亲呀。

耶和华上帝为亚当及佢妻做的皮衣嚟著。

耶和华上帝话、能分别善恶好似我地之中一个、怕佢伸手、又摘生仲树嚟食、就永远生。

故此耶和华上帝、使佢离开埃田园、耕锄番佢所自出嘅地土。

噉就赶佢出去、喺埃田园嘅东边、安置基 路 (口水)、共自然转动嘅火剑、把守住生命树个条路。