创世记 33 · 1873《创世记》（粤语联合译本，香港理工大学数据）

雅各举眼睇、见以扫同埋四百人嚟到、雅各就分开子女、交过利亚拉结、与及两婢。

使两婢共佢嘅仔在前头、利亚共佢嘅仔在中间、拉结及约瑟在后便。

自己先过佢地行、跪落地嘅七次、致共大佬相近。

以扫走前嚟迎接、抱住佢颈嚟亲嘴、彼此啼哭。

以扫举眼、睇见妇人共子女、问呢的同埋你嚟嘅、係乜谁。佢话、呢的子女、係上帝施恩赐过你仆嘅。

于是两婢共佢嘅仔、前去跪处。

利亚共佢嘅仔、亦前去跪处、尾后约瑟共拉结、亦前去跪处。

以扫话、我所遇著咁多畜牲、你係用嚟点样嘅呢。雅各话、个的係想得我主之恩典嘅。

以扫话、我嘅兄弟呀、我已经富足咯、你所有嘅、你收番罢啰。

雅各话、你唔好推辞、我若係蒙你嘅恩、就请受哓我嘅礼物、因为我见你面、犹如见上帝嘅面、亦得你欢喜我咯。

上帝既施恩过我、我已经大多咯、请你受哓我所敬奉你嘅礼物啰、恳切求佢、然后致受。

以扫话、我地好起程咯、我先行嚟引你去。

雅各话、主、你知到我的子女软弱、牛羊正当驮胎、倘若催迫佢走一日、就成队都死咯。

请我主先去、等我慢慢带畜牲及子女、依住佢嘅力量嚟行、去到我主西耳个处。

以扫话、我将跟随我嘅人、留落的过你、共你同行。雅各话、使乜噉呢、但求得沾主嘅恩典就足咯。

个日以扫起程番归西耳。

雅各行到数割、为自己整间屋、为畜牲搭的寮、所以个笪地方叫做数割。

雅各从巴垣亚兰嚟之时、一路平安、到迦南嘅示剑城、在城外搭起布帐、

将一百银喺开布帐个处、向示剑嘅父亲哈抺之族人、买一笪田。

喺个处筑一座坛、叫做以色列所敬之上帝嘅坛。