创世记 39 · 1873《创世记》（粤语联合译本，香港理工大学数据）

以实马利人、带约瑟去到埃及、卖过法老嘅领侍卫大臣波提乏。

约瑟在佢主埃及人嘅家、得耶和华保佑、令佢样样顺利。

佢主人见耶和华保佑佢、又见耶和华令佢手所做嘅事、无不顺利。

所以主人加恩待佢、叫佢服待佢、使佢管理家业、将所以嘅野交佢掌管。

自从使佢做管家、管理全业。耶和华为约瑟缘故、赐福过埃及人、凡在家在田嘅、都得耶和华嘅福。

佢主将所有交嘥的约瑟掌管、除佢自己所食之外一概都唔知。

约瑟嘅仪容相貌、都生得极好。

后来佢嘅主母、眼目注意约瑟话、共我同睡喇。约瑟唔肯、就对主母话、家中有乜野在我处、主人一概都唔知、佢𢬿所有嘅交嘥我掌理、

家中之人、冇个大得过我、除你之外、主人总冇禁阻我、你係我主人嘅妻、我岂敢做咁大嘅恶事、得罪上帝咩。

个妇人日日共佢讲、约瑟总唔听、唔共佢睡、亦唔共佢同在一处。

有一日、约瑟入屋做事、啱啱总冇家人在内、

个主母揸住佢衫话、共我同睡喇。约瑟就褪甩个件衫在妇人手、走出去。

个妇人见佢褪甩件衫在自己手、走哓出去。

就叫家人嚟对佢地话、你地睇吓喇、你家主所带嘅希伯来人入嚟调戏我地、要我共佢同睡、我就大声叫喊。

佢听闻我大声叫喊、就褪甩件衫落我处、自己走出去。

个妇人将个衫件收埋、等到主人番归。

就对佢噉话、个个希伯来仆、係你带嚟嘅、佢入嚟调戏我。

我大声叫喊、佢就褪甩衣服在我处、自己走出去咯。

主人听闻个妻噉话、你仆噉样待我、大怒起嚟。

约瑟嘅主人执佢入监、即係困个的犯王法嘅人之地方、于是约瑟就坐监咯。

惟係耶和华保护约瑟、怜悯佢、令佢得管监嘅恩典。

个管监嘅、𢬿监中所有犯人、交过约瑟掌管、喺个处所以嘅事、都係约瑟办理。

个管监嘅总唔理、因为耶和华保佑约瑟、令佢所做嘅、件件顺利呀。