创世记 41 · 1873《创世记》（粤语联合译本，香港理工大学数据）

过两年之后、法老发梦企在河边、

见七只肥牛、生得好睇嘅、由河间出嚟、在芦荻之中食草。

又见七只瘦牛、生得好丑怪嘅、亦由河间出嚟、共个七只牛、同埋企在河边。

丑怪而且瘦嘅牛、吞哓个七只肥而且好睇嘅牛、法老就醒咯。

再瞓、又梦见有一枝禾、生出七穗、实首荗盛。

又见七穗、生得好孱弱、被东风吹干。

孱弱个七穗、反转吞哓荗盛嘅七穗、法老瞓醒、知到係梦。

第朝、法老心中闭翳、召嘥埃及聪明之人、博学之士嚟、将个梦讲佢知、冇一个哙解过法老听。

酒正就对法老话、我今日记起我嘅罪过咯、

昔日法老恼我及厨官、将我及厨官困落领侍卫大臣嘅监中、

有一晚、我两人各发一梦、都唔知乜野兆头。

喺监中有一个希伯来嘅少年人、係做领侍卫大臣嘅仆、我地讲过佢听、佢就替我地解梦、依住各人嘅梦嚟解。

反来、果然照佢所解应验哓、复番我嘅职、将厨官吊在树上。

法老打发人召约瑟、就急急攞佢出、约瑟薙过个头、换过衣服、入去见法老。

法老对约瑟诏、我发一个梦、冇人哙解、我听闻人讲、你晓得解梦。

约瑟答法老话、呢的唔係我所能、係上帝将平安嘅话、告过法老知呮。

法老对约瑟话、我梦见我企在河边、

有七只肥牛、生得好睇嘅、由河间出嚟、喺芦荻之中食草。

后来、又见七只瘦牛出嚟、生得好丑怪嘅、通埃及地面、都未见过咁丑恶嘅。

个的又瘦又丑怪嘅牛、吞哓先出嚟个七只肥牛。

既吞之后、人唔觉佢係吞哓噉、依然始初咁丑怪、我就醒咯。

后来、又梦见一枝禾、生出七穗、好荗盛。

又有七穗、生得好孱弱、被东风吹干。

不料孱弱个七穗、竟然吞哓荗盛个七穗、我也曾𢬿呢个梦、讲过个的博士知、但係总冇人替我解明。

约瑟对法老话、法老呢个梦、都係同一兆头呮、上帝𢬿佢将行嘅事指示法老呀。

七只肥牛、係七年、七穗好禾亦係七年、呢个梦都係同一兆头呮。

后来又出七只瘦而且丑怪嘅牛、係七年、孱弱嘅七穗、被东风吹干、係七年饥荒呀。

呢的即係我所话、上帝𢬿佢将行嘅事指示法老嘅。

通埃及嘅地、必有七年好大丰熟。

后来、又有七年饥荒、在埃及地嘅、饥荒到灭亡噉、人地竟然忘记从前嘅丰年。

因为后来饥荒到十极、所以唔觉前时嘅丰熟。

上帝立定呢的事、必要有耐就嚟、所以令法老梦过又梦。

如今法老应揀一个智慧之人、立佢治理埃及。

法老亦要设多的官员、当七年丰年之时、叫佢地在埃及地上征粮、收五份之一、

收埋将来丰年嘅粮食、纳过法老、积畜各城之中。

预早积埋呢的粮、係为将来埃及嘅七年饥荒之用、免致个处饥荒到灭亡呀。

法老与子众臣、都话呢个法子好。

法老对众臣话、噉样嘅人、係得上帝圣神感动、我地岂轻易得嘅咩。

法老又对约瑟话、上帝已经𢬿呢件事指示你、故此冇人及得你嘅智慧。

你可以管理我家咯、我嘅百姓、必要遵你命令、单係国君嘅位、我致大过你呮。

法老又对约瑟话、我要立你统理埃及全地。

于是脱哓自己只戒指、戴落约瑟嘅手、俾幼细夏布衣服佢著、又俾条金链挂落佢颈。

赐佢坐乘副车、先行嘅人喝道话、跪呀、噉就立哓佢统理埃及全地。

法老对约瑟话、我係法老、通埃及地若冇你嘅吩咐、就冇人敢擅动。

法老改约瑟嘅名为撒纳巴尼、𢬿安嘅祭司波提非拉之女亚西纳嫁佢。约瑟出去巡查埃及全地。

约瑟见埃及王法老之时、係三十岁、于是出去巡查埃及全地。

在七个丰年之中、地上生产极多。

约瑟收埋埃及地上七个丰年嘅粮食、积畜城中、各处外嘅粮食、亦积畜在各城之中。

约瑟噉就积畜个的粮食、好似海沙咁多、至到量之不尽、因为计数唔(口店)呀。

饥荒之年未到、安嘅祭司波提非拉嘅女亚西纳、从约瑟生两个仔、

个头长嘅、约瑟叫佢名马拿西、意思係话、上帝令我忘记父家、兼受各样苦难。

第二个、叫佢名为以法莲、意思係话、上帝令我在受苦之地、兴旺起嚟。

埃及嘅地、七个丰年既过、

七个凶年就嚟、应嘥约瑟嘅说话、各国都饥荒、独係埃及有粮呮。

及后、埃及全地亦饥饿起嚟、众百姓到法老处乞粮、法老吩咐埃及众人话、你地去见约瑟、佢所命你嘅、你依住去行。

个阵时、各国都饥荒、约瑟开仓粜谷过埃及人、及后、埃及嘅饥荒更甚。

各处都饥荒得哜、所以各国都嚟到埃及、各约瑟粜谷。