创世记 43 · 1873《创世记》（粤语联合译本，香港理工大学数据）

迦南饥荒、越甚起嚟。

喺埃及载番嚟嘅谷、已经食嘥咯、雅各对众子话、再去替我粜的谷番嚟喇。

犹大话、个个人好严令叮嘱我地话、倘若你地唔带我个细仔嚟就唔准你见我面。

倘若父亲使个细佬同我去、我地就替你落去粜谷。

唔使佢去、我地就唔落去、因为个人对我地话、设使你唔带个细佬嚟、就唔准见我面。

以色列话、做乜你地对个人话、重有个细佬呢、噉样、係害害咯。

佢地话、个人好详细问我家中话、你父亲重在生唔呢、重有兄弟冇呢、我地就照直讲佢知、点估到佢必话、要带个细佬嚟呢。

犹大又对父亲以色列话、使个细佬同我去、我地即起行、噉就你共我地、及我地嘅子女、都可以得生、免致死亡。

我情愿担保你、你惟我手是问、倘若唔带佢番嚟、交番你面前、我就永远都係受罪、

我地设使唔係咁阻滞、如今都第二次番嚟咯。

以色列对佢地话、既然要噉、就照呢样行喇、将呢处嘅好土产、载落器皿处、即係乳香、蜜糖、与及香料没药、榧子、杏仁、带去送过个人做礼物。

又拧双倍嘅银去、个的喺袋里带番嚟嘅银亦送番去、恐怕係有差错呀。

又带你细佬去、再见个个人。

愿全能嘅上帝、令你地得个人嘅怜悯、使你个个兄弟同便雅悯番归、若要丧失我嘅仔、就丧失喇。

于是佢地拧齐礼物、共双倍嘅银、兼便雅悯就起程、落去埃及、企倒约瑟面前。

约瑟见便雅悯同埋嚟、就对个管家话、带呢的人入家中、又㓥定的牲口、到晏昼时呢的人要共我食。

管家依佢吩咐、带个的人入约瑟家中。

个的人见带佢入约瑟嘅家、就慌起嚟、相讲话、必係因先日袋里嘅银、故此引我地入嚟呢处、想借端攻击我地、执我地做奴隶、抢我地嘅驴呀。

于是喺门口对约瑟嘅管家话、

主呀、先日我地落嚟粜谷、

番归入歇店之时、打开的袋、见各人嘅银、照数喺处、如今我地拧番嚟。

另外人又拧银嚟粜谷、实情唔知乜谁挤银落我地袋呀。

个管家话、你放心啰、唔使慌、你嘅上帝、与及你父亲嘅上帝、将财宝赐在你袋处、你地嘅银、我已经收哓咯、于是带西面出嚟见众兄弟。

管家就带佢地入约瑟嘅家、俾水佢地洗脚、而且喂佢地嘅驴。

众兄弟预备礼物、等候约瑟晏昼番嚟、因为听见佢喺呢处食餐呀。

约瑟归家个时、兄弟拧住礼物入去、俯伏在地拜佢。

约瑟问安话、你先日所讲嘅老父亲、如今好吖、重在生咩。

佢地答话、你仆嘅父亲好、重在生、就鞠躬嚟拜。

约瑟举眼、见佢同母嘅细佬便雅悯话、你地先日所讲至细嘅细仔、就係呢个咩。又话、小子呀、愿上帝施恩过你。

约瑟痛爱个细佬、心中好似火烧噉、急急搵一笪地方嚟喊、噉就入屋喊起嚟。

又洗过面出去、勉强忍住、叫人摆设食物。

于是摆一席过约瑟、摆一席过十一人、摆一席过埃及人、因为埃及人唔共希伯来人同食、若係同食、就被埃及人憎嘅咯。

约瑟叫兄弟坐在佢面前、亦能依佢地长幼嘅次序、使佢地坐、兄弟彼此就见诧异。

约瑟𢬿自己面前的送菜、俾过佢地、惟係俾过便雅悯嘅、比较别人多五倍、众人就共约瑟饮酒快乐。