创世记 44 · 1873《创世记》（粤语联合译本，香港理工大学数据）

约瑟吩咐个管家话、依佢孭得几重、就𢬿谷袋满佢袋、亦挤番佢地各人嘅银落袋口。

又将我个只银酒杯、共个少年人粜谷嘅银、挤落个少年人袋处、管家就约瑟吩咐去做。

到天光、打发的人共驴去。

出城冇远、约瑟对管家话、你去追个的人、追倒、就话、做乜你𢬿恶嚟报善呢。

呢只唔係我主所饮嘅杯咩、唔係用佢嚟占卜嘅咩、你噉样做、实係恶嚹。

既追倒、就将呢的说话对佢地讲。

佢地答话、我主呢、做乜噉讲呢、你仆断唔做噉嘅、

前时我地喺袋里所得嘅银、我地尚且从迦南送番过你、岂有从你主家中、偷金银嘅咩。

你仆之中、唔论喺边个处搜倒、个个是必死、我地亦做主嘅仆。

管家话、如今照你说话去做、唔论喺边个处搜倒、就要个个做仆人、其余各人都冇罪。

众兄弟急急𢬿袋放落地处、解开佢。

管家从长至幼、都搜过嘥、喺便雅悯袋中、搜出个只杯嚟。

众兄弟擘烂自己衣服、将个的袋孭在驴背、番转头入城。

犹大及兄弟番到约瑟家中、约瑟重喺处、佢地就向佢俯伏地上。

约瑟对佢地话、你地所做嘅係乜呢、你地唔知到我噉嘅人、是必哙占(算)咩。

犹大话、我地在主之前、重有乜说话呢、重有乜好讲呢、重点能表得明呢、上帝已经抽出你仆嘅罪咯、如今我地共个个被搜出酒杯嘅、都做主嘅仆喺哩。

约瑟话、我断唔噉做、惟係被搜出酒杯个个就是必要做我嘅仆、其余可以平安番去父亲处。

犹大上前对约瑟话、我主、你係同法老一样、容你仆讲一句说话过你听、请主咪恼。

从前我主问你仆话、你有父亲或兄弟冇。

我地对主话、有一个父亲、係年老嘅人、到年老之时、生出个细仔、佢同母嘅大佬已经死、单独剩落佢、父亲爱痛佢。

你对仆话、带佢落嚟、等我亲眼见佢。

我地对主话、个细仔不能离开父亲嘅、若是离开、父亲就要死咯。

你对仆话、你个细佬、唔同你嚟、就唔准你地再见我面。

我地番去你仆我父亲处、将我主嘅说话、讲过佢听。

父亲话、你地再去替我粜的谷嚟。

我地就话、我地不能再去、若係同埋个至细嘅细佬、就可以落去、因为细佬唔同我地去、必不能见个人嘅面。

你仆我父亲对我地话、你知到我嘅妻生两个仔过我、

一个喺我处出去、我话佢必被咬碎、到如今都唔得见。

你地又要带呢个离开我去、设使受害、係令我白发凄凉入坟墓咯。

父亲受惜个细仔好似生命噉、如今我番去见你仆我父亲、个细仔唔同埋我地番去。

佢见个细仔唔同埋我地番去、佢是必死、噉样、你我地令你仆我父白发凄凉入坟墓咯。

而且你仆也曾在父亲面前、担保个细仔话、我若係唔带佢番嚟你处、就算我永远受罪。

今求你准我替个细佬留落呢处、做我主嘅仆、容个细仔同兄弟番去。

因为个细仔唔同埋我番去、我点见得父亲呢、怕哙见父亲受祸咯。