创世记 47 · 1873《创世记》（粤语联合译本，香港理工大学数据）

约瑟去告过法老知话、我父亲同埋我嘅兄弟、带住牛羊、与及所有嘅、从迦南地嚟、如今喺坷山处。

约瑟在兄弟之中、揀择五个人、带佢去见法老。

法老问佢兄弟话、你地做乜野事业呢。佢地答法老话、你仆自从祖宗以来、都係做牧人。

又对法老话、我地因迦南饥荒到极、冇草嚟养牛羊、所以嚟到呢处寄居、求容你仆在坷山居住喇。

法老对约瑟话、你父亲及你兄弟嚟到你处、

埃及嘅地方、在你面前、可以揀择的好地、俾过你父兄住、就俾佢喺坷山住喇、倘若你知到你地边个有才能嘅、用佢做牧人嘅长。

约瑟带住父亲雅各、去见法老、雅各祝福法老。

法老问雅各话、你有几大年纪呢、

雅各对法老话、我在世上一百三十岁、生平受过好多艰难、比较我祖父在世嘅年岁、就唔及得到。

雅各既祝福法老、就喺法老面前出去。

约瑟遵依法老吩咐、𢬿埃及至好嘅地方、即係兰塞嘅境内、赐过佢父亲居住、而且做产业。

约瑟养佢嘅父兄、兼佢嘅家眷、依佢地各家所需用嘅、嚟供应佢。

饥荒更甚起嚟、四方都冇粮食、迦南共埃及地、因饥荒都穷绝咯。

约瑟粜谷过众人、积埋埃及迦南地所有嘅银、挤埋法老嘅库房。

埃及迦南地嘅银、都使尽咯、埃及人好多嚟见约瑟话、我地嘅银、已经使尽、请你俾粮食过我地、免致死在你之前。

约瑟话、既係冇银、𢬿你嘅畜牲俾我、我就俾烺食过你。

于是各人拉畜牲嚟约瑟处、约瑟收哓佢地嘅牛马羊驴、俾粮共佢换、个一年、佢我佢地各样畜牲、致俾粮嚟养佢。

呢年过哓、明年众人又到、对约瑟话、我地冇欺瞒主、我地嘅银、已经使嘥咯、我地的畜牲、又都俾过主咯、除我地个身共田之外、冇别样物件留存咯。

主岂忍我地共田、丧亡在你之前咩、请𢬿粮食嚟买我身共田、我身共田、都俾过法老所使、惟係俾谷种过我地、等我地得生、免致死亡、而且咪令个的田抛荒。

约瑟为法老买嘥埃及嘅地、因为埃及人被饥荒所迫、各人都要𢬿田嚟卖、于是个的田、都归法老咯。

约瑟将埃及四方嘅百姓、搬嘥入城里。

惟係唔买祭司嘅田、因为法老赐过祭司、係有一定嘅粮、佢得法老所赐嘅嚟食、所有唔使卖田。

约瑟对百姓话、今日我买倒你地共田、都归法老、有谷种喺呢处、你地拧去撒落田。

收割之时、必要五份纳一过法老𢬿四份归你、嚟做你嘅田种、与及做你共家中妻儿嘅口粮。

众人话、主、既係救生我地嘅命、如今愿沾主恩、使我地做法老嘅仆。

约瑟于是立哓定制、除祭司田地唔归法老之外、其余必要五份纳一过法老、至到今日都係。

以色列人住在埃及坷山嘅地、喺个处、得哓产业、生养极多。

雅各喺埃及住十七年、享寿一百四十七岁。

以色列将近死个时、叫个仔约瑟嚟话、我若係爱我、就挤你手在我髀下、𢬿亲爱诚实嚟待我、咪葬我在埃及。

我想共祖父同葬、你必带我出埃及、葬我在先人坟幕处。约瑟话、我必依你吩咐。

雅各话、你为我誓愿喇、佢就誓愿、以色列挨住床嚟拜上帝。