约翰福音 13 · 1883《约翰福音传》（粤语联合译本修订本，香港理工大学数据）

逾越节之前、耶稣知到自己离开呢个世界、番归父处嘅时候到咯、既爱世上属自己嘅、就爱佢哋到尾、

食紧晚餐个时、魔鬼已经将卖耶稣嘅意思、挤落西门嘅仔加略犹大心中、

耶稣知到父也曾𢬿万物交过佢手、又知到自己从上帝处嚟、亦必番归上帝处、

就离席起身、除哓件衫、拧一条巾束住腰、

后来倒水落盘、起首共门生洗脚、𢬿自己束腰嘅巾抹干佢、

轮到西门彼得、彼得对佢话、主、你洗我脚咩、

耶稣答佢话、我所做嘅、你如今唔知、后来你必知咯、

彼得对佢话、你永远唔洗得我脚、耶稣答佢话、若我唔洗你、你就共我冇份、

西门彼得对佢话、主、唔止我脚、连我手共头都要洗呀、

耶稣对佢话、但凡已经洗嘅、独係洗脚、就一身都洁净咯、你哋係洁净、但唔係个个都噉、

因为耶稣知到边个将卖佢嘅、故此话、唔係个个得洁净、

洗完佢哋嘅脚、拧番自己衫、再坐处、对门生话、我所做过你哋嘅、你晓得唔呢、

你哋称我为师为主、係话得著、因为我係呀、

我係主、係师、尚且洗你脚、你哋应该互相洗脚、

因为我俾个模样过你、令你哋照依我所做过你嘅去做呀、

我实实话你知、仆唔大得过佢主、被打发嘅、唔大得过打发佢嘅、

倘若你知到呢的事、若照噉做、就有福咯、

我所讲嘅、唔係讲及嘥你哋众人、我所揀选嘅、我知到、惟係要应哓圣经所讲话、共我同食饼嘅、举起脚嚟踢我呀、

如今事干未成、我预先话你知、等事干成哓、你哋就信我係佢咯、

我实实话你知、招接我所打发嘅、即係招接我、招接我嘅、即係招接打发我嘅呀、

耶稣讲完呢的、心里好闭翳、就证明话、我实实话你知、你哋之中有一个将卖我咯、

门生彼此相睇、思疑佢讲乜谁、

耶稣门生之中、有一个係佢所爱嘅、挨到耶稣胸怀处、

西门彼得(口揖)头嚟对佢话、你话我知、耶稣係讲乜谁、

佢噉挨倒耶稣胸怀嘅、就问佢话、主、係乜谁呢、

耶稣答话、我将一的野(氵任)吓俾过佢嘅就係咯、于是(氵任)一的野、𢬿嚟俾过加略人西门嘅仔犹大、

受哓个的野之后、撒但即入佢心、耶稣就对佢话、你所做嘅、快的做喇、

喺席上嘅、冇人知佢为乜事对佢噉讲、

本来银袋喺犹大处、有人估耶稣吩咐佢买节筵所用嘅、抑或使佢去施舍过穷人、

犹大受哓个的野、即时出去、个阵係夜晚咯、

佢出去之后、耶稣话、如今人子得荣光咯、上帝亦因佢得荣光、

上帝因自己亦必荣光佢、而且即时荣光佢、

小子呀、我暂时重同埋你哋、你哋将来搵我、照依我对犹太人所讲话、我去个处、你不能到得、如今亦对你噉样讲、

我𢬿新嘅诫命俾你、即係你要彼此相爱、好似我也曾爱你、你都要噉样相爱、

你若係大家相爱、众人因此就知你係我门生咯、

西门彼得对佢话、主、你去边处、耶稣答话、我去个处、如今你不能跟从我、但将来你必跟从我、

彼得对佢话、主、因何如今我不能跟从你呢、我愿为你舍生命、

耶稣答佢话、你愿为我舍生命咩、我实实话你知、鸡必定唔啼、到你三次话唔识我呀、