「你哋心唔使忧愁；你哋信上帝，都要信我。
我父嘅家中有好多住所，倘若唔係，我必先话过你哋知，因我去为你哋预备地方。
倘若我去为你预备地方，我必定番嚟接你哋到我处，等我喺个处，你都喺处。
我所去之处，你哋知到；个条路，你都知到。」
多马对佢话：「主呀，你去边处，我哋唔知到，点识得个条路呢？」
耶稣对佢话：「我即係条路呀、真理呀、生命呀；若唔係由我，冇人到得父处呀。
你若已经识我，就已经识我父；自今以后，你识佢，而且见过佢。」
腓力对佢话：「主呀，俾显出个父过我哋睇，我哋就足矣咯。」
耶稣对佢话：「腓力呀，我同埋你哋咁耐，你重未识我咩？见过我嘅，即係见过父呀，你因何话『显出个父过我哋睇』呢？
我在父，父亦在我，你唔信咩？我对你哋所讲嘅说话，唔係由自己讲嘅，但住在我衷嘅父做自己嘅事呀。
你要信我在父，父在我；若然唔信，当要因我个的事嚟信呀。
我实实话你知，我所做嘅事，信我嘅人亦做，而且做大过呢的嘅，因我番归我父处呀。
但凡你哋托我名所求嘅，我必定做，等父因子就得尊荣。
你哋托我名求乜野，我亦必定做。
你若係爱我，应该守我诫命。
我将求父，佢必定赐别个保惠师过你哋，令佢永远同你住，
即係真理嘅圣灵，世人不能接嘅，因唔见佢，又唔识佢；你哋识佢，因为佢同埋你住，而且必喺你心内。
我唔留落你哋做孤子，我必嚟到你处。
歇冇几耐，世人总唔见我，但你哋见我；因我生，你亦必生。
当个日，你哋必知到我在父，你在我，我亦在你。
有我嘅诫命就守住嘅，个个係爱我嘅咯；爱我嘅，必定蒙我父嘅爱，我亦必定爱佢，而且𢬿自己显现过佢睇。」
有个犹大，唔係个个加略嘅，对佢话：「主，你为乜显现自己过我哋睇，唔显现过世人睇呢？」
耶稣答佢话：「人若係爱我，佢必守住我道，我嘅父必定爱佢，而且我哋必到佢处，共佢同住。
唔爱我嘅，就唔守住我道；你哋听闻个的道，唔係我自己嘅，係打发我个父嘅。
我重同你哋喺处，讲呢的事过你知。
惟係个保惠师，即係圣灵，父将来托我名打发嚟嘅，佢必教你各样，又令你记得我所有讲过你知嘅。
我留落平安过你哋，我自己嘅平安我赐过你哋，唔係好似世上噉样赐你。你哋心唔使忧愁，唔使惊慌。
你哋也曾闻得我对你话：『我去，又番嚟你处。』倘若你爱我，必定欢喜，因我番归父处，因为我父大过我呀。
事干重未成，我先话你哋知，等事干既成，你哋就信得咯。
自此以后，我唔同你多讲，因为世界嘅君王嚟咯，佢喺我处一的都冇呀。
惟係令世人知到我係爱父，又照依父所吩咐我嘅嚟做。起身喇，我哋要离开呢处去嚹。」