「我係真菩提树，我父係栽培嘅。
但凡喺我处嘅树枝，有唔结果嘅，佢必除去；但凡结果嘅，就修削虔洁，令结果更多。
如今你因我所讲过你哋知嘅道，就係虔洁咯。
你要住在我处，我亦住在你处；倘若枝唔住在菩提树处，不能自己结果；若係你唔住在我处，亦必定係噉。
我係菩提树，你哋係树枝；凡住在我处，又我住在佢处，个个必结得好多果，因为你冇我，一样都唔做得咯。
人若係唔住在我处，就必定好似树枝𢫕出外便，枯槁哓；人哋执起丢落火处嚟烧咯。
你若住在我处，我嘅说话亦住在你处，但凡你所想嚟求嘅，是必为你做成。
你若係结得果多，我父就得荣光，你噉就係做我门生咯。
好似父爱我，我亦爱你哋；你哋应该住在我嘅爱处呀。
你若守我诫命，就必住在我嘅爱处，好似我守我父嘅诫命，就住在佢嘅爱处。
呢的我讲你知，令我嘅欢喜住在你处，你嘅欢喜亦得充满咯。
你哋应该相爱，好似我爱你哋噉样，呢的係我嘅诫命呀。
人为朋友舍哓生命嘅爱情，冇大得过呢样咯。
我所有吩咐你嘅，你依住去做，就係我嘅朋友。
自今以后，我唔称你为仆，因为仆唔知到佢主人所做嘅事；但我称你哋为朋友，因我在父处所听闻嘅，已经指示你哋知。
唔係你哋揀选我，係我揀选你哋，而且设立你哋去结果，等你哋嘅果可以留存，至到你所有托我名求父嘅，佢都赐过你。
我噉样吩咐你哋，令你哋彼此相爱。
倘若世人憎恶你哋，要知到佢憎恶我先过你咯。
你哋若係属世界，噉就世界爱属自己嘅；但因你哋唔属世界，係我喺世界揀你出嚟嘅，所以世界就憎恶你。
你哋要记得我所讲过你知话：『奴仆唔大得过佢主人。』众人若係迫害我，亦迫害你；若然守我道，亦守你道。
佢哋为我名，就做呢的各样嚟待你，因为佢唔识打发我嘅呀。
我若唔嚟共佢哋讲，佢就冇罪；但佢如今不能辞其罪咯。
憎恶我嘅，亦憎恶我父。
我若喺佢哋之中唔做过别人所未做嘅事，佢就冇罪；但如今佢哋见过，而且憎恶我共我父。
噉样应验哓佢嘅律法所写话：『佢冇缘故憎恶我呀。』
我要从天父处打发保惠师嚟你处，即係真理嘅圣灵，由父处出嘅；佢嚟个时，就为我做见证。
而且你哋都做见证，因你哋自始初之时同埋我呀。」