约翰福音 16 · 1883《约翰福音传》（粤语联合译本修订本，香港理工大学数据）

我讲呢的事过你哋知、免至你见阻碍、

众人将来赶你出会堂、而且时候将到、但凡杀你嘅、以为噉样係服事上帝、

佢哋噉样做、因为佢唔识父共我呀、

我讲呢的事过你知、等个时候嚟到、你哋可以记起、我对你讲过咯、我始初未话你知嘅、因我同你喺处呀、

如今我番归打发我嚟嘅个处、你哋冇人问我话、你去边处、

但係因我讲呢的事过你知、你就满心闭翳、

但我话真过你知、我去、係你嘅益、若然我唔去、保惠师就唔嚟你处、若然我去、必打发佢嚟你处、

佢嚟之时、必定令世界为罪恶、为公义、为审判、责成自己、

为罪恶嘅、因佢哋唔信我呀、

为公义嘅、因我番归我父处、你哋唔再见我呀、

为审判嘅、因个个管理呢个世界嘅被审判呀、

我重有好多事话你哋知、但你哋如今不能担当得起、

惟係个真理嘅圣灵嚟、佢必定引你入各样真理处、因为佢唔係由自己讲、係𢬿佢所有听闻嘅嚟讲、而且𢬿将来嘅事指示你知、

佢是必归荣我、因为佢将我嘅事嚟指示你知、

但凡父所有嘅、都係我嘅、故此我话、佢将我嘅事嚟指示你知、

歇冇耐你哋唔见我、又歇冇耐、你哋必见我、因为我番归父处呀、

噉就门生之中、有的彼此相讲、话、佢对我哋话、歇冇耐、你哋唔见我、又歇冇耐、你哋必见我、而且因为我番归父处、佢噉样同我讲、係乜野意思呢、

故此门生话、佢所讲歇冇耐个句、係乜野意思呢、我唔知佢讲乜事、

耶稣知到佢想问自己、就对佢话、我所讲歇冇耐、你唔见我、又歇冇耐、你必见我、你彼此互相诘问咩、

我实实话你知、你将来哭泣哀痛、世人必欢乐、你哋必忧愁、但你哋嘅忧愁、必定变为欢乐、

妇人临产就闭翳、因为佢时候到咯、但生仔之后、就唔记得个的辛苦、因佢欢喜一个人生在世上呀、

噉样、你哋如今闭翳、但我必定再见你、你心就欢乐、你嘅欢乐、冇人夺得你嘅、

当个时、你一的都唔使求我、我实实话你哋知、但凡你所求父嘅、佢因我名必赐过你哋、

从前你哋冇托我名嚟求乜野、求就必得倒、令你满心欢乐、

我𢬿譬喻对你讲呢的事、时候将到、我唔再𢬿譬喻对你讲、係明白传讲个父过你知、

个阵时、你必托我名嚟求、我唔使对你话、我必定替你求父、

父自己爱你哋、因你爱我、而且信我从父处出嚟、

我从父处出嚟降临世界、我又离开世界、番归父处、

门生话、如今你係明讲、唔係讲譬喻、

如今我哋知你係无所不知、不必有人问你、因噉样、我信你係从上帝处出嚟、

耶稣答佢哋话、如今你信啰咩、

时候将到、如今係咯、即你哋分散、各人番归自己处、留落我独自喺处、但我唔係独自喺处、因为父同埋我呀、

我对你哋讲呢的、令你在我得平安、在世你有患难、但你哋放心、我已经胜哓世界咯、