约翰福音 17 · 1883《约翰福音传》（粤语联合译本修订本，香港理工大学数据）

耶稣讲呢的、就举眼望住天、话、父呀、时候到咯、归荣你子喇、等你子亦归荣你、

因为你既赐权柄过佢、制伏凡有血气嘅、等佢𢬿永生赐过凡你所赐过佢嘅人、

永生即係知到你独一位真上帝、与及你所打发嘅耶稣基督呀、

我在地上、也曾归荣你、你所托我做嘅事、我已经做成、

父呀、如今令我同你得荣光、即係在创世之前、我同你所有嘅荣光、

你由世间所赐过我嘅人、我已经将你名显示过佢、佢本来係你嘅、你将佢赐过我、佢也曾遵守你道咯、

如今佢哋知到但凡你赐过我嘅、俱係由你出、

因为我𢬿你所赐过我嘅说话赐过佢、佢哋已经受哓、而且真正知到我从你处出、又信你打发我呀、

我为佢哋祈祷、唔係为世界祈祷、独係为你所赐过我嘅、因为佢係属你嘅呀、

但凡属我嘅係属你、属你嘅係属我、我在佢哋处得荣光、

自今以后、我唔再喺世上、但係佢哋喺世上、我嚟到你处、圣父呀、你所赐过我嘅、托你名保守住佢、令佢哋合而为一、好似我哋噉样、

我同埋佢哋个时、托你名嚟保守住佢、你所赐过我嘅、我保守住、其中冇一个亡失、独係亡失沉沦之子呮、致应验圣书所写咯、

如今我嚟你处、我重喺世上讲呢的、令佢哋心中得满我嘅欢乐、

我曾将你道赐过佢哋、世界又憎恶佢、因佢唔係属世界好似我唔係属世界一样、

我唔求你将佢离开世界、但係求你保佑佢离开罪恶、

佢哋唔係属世界、好似我唔属世界一样、

愿你用真理、令佢哋圣洁、你嘅说话即係真理呀、

好似你打发我入世界、我都係噉样打发佢入世界、

我为佢自己成为圣洁、令佢都由真理成为圣洁、

我不独为呢的人祈祷、亦为但凡听佢哋说话嚟信我嘅祈祷、

令佢哋大家合而为一、父呀、好似你在我、我在你、令佢亦在我哋合而为一、等世人信你打发我呀、

我𢬿你所赐过我嘅荣光赐过佢哋、令佢哋合而为一、好似我哋合而为一、

我在佢哋、你亦在我、令佢哋成为完全合而为一、而且令世人知到你打发我、知到你爱佢哋、好似爱我噉、

父呀、我喺个处、愿你所赐过我嘅人、亦同埋我喺个处、等佢哋见你所赐过我嘅荣光、因为你自创世之先、爱我咯、

公义嘅父呀、世人唔识你、独係我识你、呢的人都知到你打发我嚟嘅、我也曾𢬿你名显示过佢、知将来又显示添、令你所爱我嘅爱在佢哋、我亦在佢哋呀、