约翰福音 19 · 1883《约翰福音传》（粤语联合译本修订本，香港理工大学数据）

噉就彼拉多将耶稣嚟鞭打、

个的兵𢬿荆棘结成一顶冠冕、戴落佢头上、拧紫色嘅袍俾佢著、

又嚟佢处话、犹太人嘅王、平安吖、众人又𢬿手掌打佢、

彼拉多再行出、对众人话、我带佢出嚟你处、令你知到我唔查得出佢有乜野罪、

耶稣就戴住荆棘嘅冠冕、著住紫色嘅袍出嚟、彼拉多对众人话、试睇吓呢个人吖、

众祭司长共埋差役见佢、喓话、钉落十字架、钉落十字架、彼拉多对众人话、你哋将佢钉落十字架喇、因为我唔查得出佢有罪呀、

犹太人答佢话、我哋有一条律法、依个条律法、佢就应死、因佢自己以为上帝之子呀、

彼拉多闻得呢的说话、就越发慌、

再入公堂、对耶稣话、你从边处嚟、但耶稣唔答佢、

噉就彼拉多对佢话、你唔同我讲咩、你岂唔知我有权柄放你、亦有权柄钉你落十字架咩、

耶稣答佢话、唔係由上赐过你、你总冇权柄攻我、故此解我过你处嘅、佢罪更大、

自此之后、彼拉多想释放佢、但犹太人喓话、你若然释放呢个人、就唔係该撒嘅臣子、但凡自己立为王嘅、就係诋毁该撒咯、

彼拉多闻得呢的说话、就带耶稣出嚟、到一笪地方、称为铺华石处、希伯来土音叫做呃吧𠯈、喺个处坐在案上、

个日、係预备逾越节嘅日、大约晏昼、彼拉多对犹太人话、试睇吓你哋嘅王、

众人喓话、拉佢去、拉佢去、钉佢落十字架、彼拉多对佢哋话、你嘅王我𢬿嚟钉落十字架咩、众祭司长答话、除该撒之外、我哋冇别个王、

噉就彼拉多就交出耶稣过众人、等钉佢落十字架、众人就拉耶稣去、

佢自己孭住十字架就出、到一处、名叫枯颅头地、希伯来土音叫做各各他、

喺个处钉佢落十字架、又钉两个人同埋佢添、一个在左、一个在右、耶稣喺中间、

彼拉多写条标挤倒十字架上头、写落嘅话、犹太人嘅王拿撒勒人耶稣、

有好多犹太人读呢条标、因为耶稣钉十字架个处、係近住城、而且个条标係用希百来罗马希利尼字写落嘅、

犹太众祭司长就对彼拉多话、咪写犹太人嘅王、可写佢自己话、我係犹太人嘅王、

彼拉多答佢话、我所写嘅、已经写落咯、

个的兵钉哓耶稣落十字架、就拈佢衣服分开四分、一个兵得一分、又拈佢里衣、呢件里衣、冇联住、从上头一气织成嘅、

所以个的兵相讲、话、我哋唔好擘开佢、宁可将佢嚟执筹、睇边个得倒、致应验圣经所讲话、佢𢬿我外衣嚟分过自己、因我里衣嚟执筹、个的兵就係噉样做、

企倒耶稣十字架旁边、係佢母亲共母亲嘅姊妹革流巴嘅妻马利亚、与及抹大拉嘅马利亚、

耶稣睇见母亲共佢所爱嘅门生企近处、就对母亲话、妇人呀、睇你嘅仔、

又对个门生话、你睇你嘅母亲、自呢阵时、个门生带佢番去自己家处、

此后、耶稣知到各样事已经成就、等圣书得应验、就话、我颈渴呀、

喺个处有件器皿、载满醋、佢哋𢬿水(氵抱)湿透的醋、挤倒牛漆草处、递到佢口、

耶稣已经受醋、就话、事干成全咯、噉就恶低头、将个灵魂交回、○

个日预备节嘅日、犹太人想免至安息日有尸骸喺十字架处、因呢个安息係大日、故此求彼拉多、令打折佢脚骨、拧佢尸去、

于是个的兵嚟打折同埋钉十字架第一个嘅脚骨、又打折第二个嘅、

但係到耶稣处、见佢已经死、就唔打折佢脚骨、

但个的兵之中、有一个𢬿鎗㓤佢小𦝡、即有血共水流出、

有个睇见嘅做证、佢嘅证係真、佢知到所讲嘅係真、令你哋亦可以信得、

因为呢的事成就、係应验圣书所讲、话、唔打折佢一条骨、

圣书又有话、众人将见佢所㓤嘅、○

此后、有个亚利马太人约瑟、静静做耶稣嘅门生、因为怕犹太人呀、嚟求彼拉多准佢领耶稣嘅尸、彼拉多允准佢、故此嚟领耶稣嘅尸去、

又有尼哥底母、从前夜间亲就耶稣嘅、佢拧住没药、俾芦荟抠匀嘅、约膜一百斤、嚟到、

二人就将耶稣嘅尸、𢬿幼细麻布共香料包住佢、係依犹太人嘅葬礼呀、

钉落十字架个处、有一所园、园里有空新坟墓、从来未曾葬过人嘅、

个日係犹太人预备嘅日、而且个坟墓係近、故此葬耶稣喺个处、