约翰福音 3 · 1883《约翰福音传》（粤语联合译本修订本，香港理工大学数据）

有一个法利赛人、名叫尼哥底母、做犹太人嘅官、

佢夜晚嚟耶稣处、对佢话、夫子、我哋知到你係从上帝嚟嘅老师、因为你所行呢的异迹、倘若上帝唔同埋嘅、冇人能行得、

耶稣答佢话、我实实话你知、人倘若唔係再生、必不能见上帝嘅国、

尼哥底母对佢话、人既老、点能再生、岂能再入老母胎生出嚟咩、

耶稣答佢话、我实实话你知、人唔係由水共圣灵生嘅、必不能入上帝嘅国、

由肉身生嘅、係肉呀、由圣灵生嘅、係灵呀、

我话你必要再生、咪以为奇、

风随意吹嚟、你闻佢声、唔知佢边处嚟、边处去、但凡由圣灵生嘅都係噉样、

尼哥底母答佢话、点有噉嘅事呢、

耶稣答佢话、你做以色列嘅老师、都唔知呢的事咩。

我实实话你知、我哋𢬿所知嘅嚟讲、𢬿所见嘅嚟证、但係你哋唔受我哋嘅见证、

我对你讲地上嘅事、你尚且唔信、倘若对你讲天上嘅事、岂能信咩、

除哓人子係从天降落嚟仍然喺天嘅、冇人升过天、

好似摩西喺旷野处举起条蛇、人子必定噉样被举、

令但凡信佢嘅、得倒永生、

因为上帝爱世界、甚至𢬿佢独生之子赐过佢哋、令但凡信佢嘅、免至灭亡、又得永生、

因为上帝打发佢子降世、唔係定世界嘅罪、係令世界因佢得救、

信佢嘅就唔定罪、唔信佢嘅、就已经定罪、因唔信上帝独生之子嘅名呀、

所定嘅罪係噉、即係光临到世上、世人唔爱光、宁可爱暗、因佢行为係恶呀、

但凡做不善嘅、憎恶光、唔亲就光、恐怕佢行为被执责、

独係行真理嘅必亲就光、嚟显明佢嘅行为、係遵依上帝嚟做嘅、○

此后、耶稣共门生到犹太地、喺个处同佢哋住、嚟施洗、

约翰喺哀嫩、係近住撒冷嘅、亦施洗、因在个处有好多水、人哋嚟受洗、

因为约翰未曾被困在监呀、

个阵时、约翰嘅门生、共一个犹太人争论洁净嘅事、

佢哋到约翰处、就对佢话、夫子、昔日同埋你喺约但外、你所指证嘅个个人、如今施洗、众人到佢处呀、

约翰答话、倘若唔係由天赐过佢、人就不能受乜野、

你哋自己可以为我做证、我也曾话、我唔係基督、係被差遣在佢先头嘅呮、

娶新妇嘅、係新郎呀、新郎嘅朋友企倒处、听闻新郎嘅声、就欢喜到极、如今我亦得倒呢的嘅欢喜咯、

佢必兴旺、我必衰弱、

由上头嚟到嘅、喺万有之上、由地嘅就属地、佢个的说话都係属地、由天嚟嘅、係万有之上、

佢𢬿所见所闻嘅嚟证明、但冇人受佢嘅证、

受佢证嘅、係好似给印嚟证明上帝係真𡃉、

上帝所打发嘅、就传上帝嘅说话、因为上帝赐圣灵係冇限量呀、

父爱个子、已经𢬿万物付托佢手、

信子嘅有永生、唔信子嘅必唔见生、但上帝嘅恼怒、常时在佢之上咯、