路加福音 10 · 1883《路加传福音书》（粤语联合译本修订本，香港教育大学数据）

此后主又立七十人，打发佢一对对，先到自己所想去嘅各城各地方。

对佢话，要收割係多，但工人少，所以应该求田主，打发人去收割呀。

你哋去喇，我打发你，好似羊仔入豺狼之中。

唔好带荷包，共袋共鞋，路上唔使共人行礼。

入到人家，就要先话，呢家平安。

倘若有应得平安嘅人喺处，你所求嘅平安，就归佢，倘若唔係，就归番你咯。

你喺个家住，佢所供奉嘅，随饮随食，因为工人得工钱，係着嘅，唔好喺呢家又搬去别家。

所入嘅城，有人接你，就食佢所供奉嘅。

喺个处见有病嘅，就医好佢，兼之对众人话，上帝嘅国近住你嚹。

唔论入边个城，人若唔肯接你，就行出去街。

话，你城嘅尘，搭倒我脚嘅，如今对住你拍甩，虽然，你亦当知上帝嘅国，已经近咯。

我话你哋知，到个日所多马嘅刑罚，比较呢个城嘅，重易受呀。

哥拉汛有祸咯，伯赛大有祸咯，因为喺你之中，所行嘅奇能，若行在推罗西顿，佢哋就大早着麻衫，坐倒灰处，嚟悔改咯。

但到审判个日，推罗西顿嘅刑罚，比较你嘅更易受呀。

迦伯农呀，你得升高到天咩，将来必推落地狱。

又话，听从你嘅，即係听从我，睇轻你嘅，即係睇轻我，睇轻我，即係睇轻打发我嚟嘅呀。

七十人欢欢喜喜番嚟话，主，因你嘅名，鬼都服我哋呀。

耶稣对佢哋话，我睇见撒但喺天跌落嚟，好似闪电噉样。

我𢬿能干赐过你，可以踹得蛇共蝎，制服仇敌各样嘅权势，必定冇损害你嘅。

但唔使因为鬼服你就欢喜，要因为你嘅名，写落在天，致係欢喜呀。

个阵时，耶稣心中欢喜话，父呀，你係天地嘅主呀，我赞美你，因为你将呢的事情，对住智慧嘅，通达嘅，就隐藏埋，对住小子，就显出嚟，父呀，因为你见噉样係善咯。

万物都係天父赐过我，除父之外，冇人识边个係子，除哓子共子所欢喜指点嘅，冇人识边个係父。

耶稣回头睇吓门生，静静对佢话，睇见你所见嘅，个的眼有福咯。

我话你哋知，好多先知共君王，都想见你哋所见嘅，又唔得见，想听你哋所听嘅，又唔得闻。

个阵时，有个教法师起，嚟试耶稣话，老师，我应该点样做，致可以得永生呢。

耶稣对佢话，律法所写嘅，係点样呢，你所读嘅，係点样呢。

答话，应该尽心尽性，尽力尽意，爱主你嘅上帝又爱邻舍好似自己。

耶稣对佢话，你所答嘅係着，噉样做，就必得生咯。

教法师想称自己为义，就对耶稣话，边个係我邻舍呢。

耶稣答话，有一人，从耶路撒冷落去耶利哥，遇着的贼，剥佢衣服，打伤佢到半死，丢佢喺处去哓。

适值有个祭司，从个条路落嚟，睇见佢，就喺第边去哓。

又有个利未人，嚟到个处，行前去睇吓佢，亦喺第边去哓。

但有个撒马利亚人游行之时，嚟到个处地方，一见就可怜佢。

行埋佢处，包住佢伤口，𢬿油共酒斟落去，将自己所骑嘅畜生，扶佢上去骑，带到歇店嚟打理佢。

第二日，拧出二钱银嚟，交过店主话，请你照顾佢，若係使过你嘅，等我番嚟，必还番你。

呢三个人之中，你估边个係遇着贼嘅邻舍呢。

教法师话，可怜佢个个咯，耶稣对佢话，你去照噉样做喇。

佢哋行路个时，耶稣入一条村，有一个妇人，名叫马大，迎接耶稣，入佢嘅屋。

佢有个妹，名叫马利亚，坐倒主嘅脚下，听佢道理。

马大供应嘅事多，心烦意乱，就行埋对耶稣话，主呀，我嘅姊妹，剩我一人，独自供应，你都唔理咩，要吩咐佢帮助我喇。

主答佢话，马大呀，马大呀，你因为事多，就心思扰乱。

但紧要嘅，係一件呮，马利亚已经揀倒好嘅事业，总唔夺得佢嘅咯。