路加福音 11 · 1872《路加福音传》（香港教育大学数据）

耶稣喺一处祈祷，已经完，佢嘅门生有一个对佢话，主，请教我地祈祷，好似约翰教佢嘅门生噉样。

耶稣对佢地话，你地祈祷个阵时，应当噉话，我地嘅父在天，愿你嘅名得圣，你嘅国降临，你嘅旨意得成就，在地好似在天一样。

我地需用嘅粮，日日俾我地。

求赦免我地嘅罪，因我地亦赦免凡欠负我嘅，咪引我地入诱惑，就救我地脱离凶恶。

又对佢地话，你地乜谁有个朋友，半夜去到对佢话，朋友呀，请你借三个饼过我。

因为我有朋友喺路上嚟，冇野供应佢呀。

佢喺里头答话，咪嘈我喇，已经闩埋门咯，我共我嘅仔女喺床处，唔起得身嚟俾你呀。

我话你地知，纵然唔因佢係朋友，起身嚟俾佢，但因佢咁𠼮求，亦必起身嚟，俾够佢用呀。

我又话你地知，求就俾你，揾就揾倒打门就开过你咯。

因为但凡求嘅就得倒，揾嘅就揾倒，打门嘅就必得开呀 。

你地之中做父亲嘅，边个有仔嚟求饼，倒转俾石过佢呢，嚟求鱼，倒转俾蛇过佢当作鱼呢。

或求蛋，倒转俾蝎过佢呢。

你地虽係恶人，尚且知到俾好野过仔女，何况天父，有唔𢬿圣神赐过求佢嘅咩。

耶稣赶一只哑鬼，鬼出哓，哑嘅人就哙讲，众人见出奇。

其中有的人话，佢倚赖鬼王别西卜嚟赶鬼呮。

又有的人嚟试耶稣，求佢显出的喺天嚟嘅奇兆。

耶稣知佢地嘅意思，就对佢地话，但凡国自己相争，就必定荒凉，一家自己相争，就必定败坏。

若係撒但自己相争，就佢嘅国点样建立呢，因为你地话，我倚赖别西卜嚟赶鬼。

若係我倚赖别西卜嚟赶鬼，就你嘅子弟，倚赖边个嚟赶鬼呢，故此佢地将议论你咯。

若係我倚赖上帝嘅手嚟赶鬼，噉就上帝嘅国降临到你地咯。

有个勇力嘅人，着起盔甲嚟看守佢屋，个阵时，佢所有嘅物件，就稳当咯。

惟係有越发勇力嘅人嚟打赢佢，抢哓佢所倚恃嘅盔甲，就分开佢嘅赃物咯。

有人唔归向我，就係攻打我，唔共我执拾，就係分散嘅咯。

邪鬼既离开人，喺旱地或来或往，想安乐又唔得，就话，我将番去我出嚟个间屋。

嚟到，就见个间屋打扫干净，又粉饰好嘥。

就出去带七只恶过自己嘅鬼嚟，同埋入去住，噉就个个人嘅后患，比较先日越发关係。

讲紧呢的个阵时，众人之中，有一个女人大声对佢话，怀你嘅胎，喂你嘅奶有福咯。

耶稣话，唔似听上帝嘅道理，而且遵守嘅更有福呀。

众人挤拥聚集个时，耶稣起首讲话，呢个係恶嘅世代想睇奇兆，除先知约拿嘅奇兆之外，冇𢬿别样奇兆俾佢睇咯。

因为约拿喺尼尼微人处做奇兆，噉样，人子亦将喺呢个世代做奇兆咯。

南方嘅女王，当审判个时，对呢代嘅人，哙起嚟，定佢嘅罪，因为女王喺地之极嚟，听所罗门嘅智慧，何况有大过所罗门嘅喺呢处呢。

尼尼微人，当审判个时，对呢代嘅人，哙起嚟，定佢嘅罪，因为尼尼微人，听约拿宣讲就悔攺，何况有大过约拿嘅喺呢处呢。

冇人点着灯，挤落暗暗[口焙]地方，或挤落斗下底嘅，必係挤倒灯台上，等入嚟嘅人睇见个的光呀。

眼就係身嘅灯哩，你嘅眼若係明，就你一身都光，你嘅眼若係蒙，就你一身都暗。

故此要谨慎，免至你里头嘅光变为暗呀。

倘若你全身光明，冇一点黑暗，噉就个的光完全，好似灯嘅光燄照住你咯。

耶稣讲紧个时，有一个𠵽唎㘔人，请佢同食朝饭，耶稣就入去坐席。

个𠵽唎㘔人，见耶稣唔先洗手致食，就以为出奇。

主对佢话，你地𠵽唎㘔人，杯盘外边，就整到洁净，但你地心内，就积满抢夺恶毒嘅念头。

愚蠢嘅人呀，造佢外头嘅，岂唔亦造佢里头咩。

但𢬿你所有嘅施舍过人，就一的都洁净咯。

你地𠵽唎㘔人有祸咯，因为你𢬿薄荷芸香，及各样蔬菜，十分纳一，至于公义，共爱敬上帝，你就废哓，但呢的係你所应该做嘅，个的亦唔好唔做呀。

你地𠵽唎㘔人有祸咯，因为你欢喜喺会堂坐上位，喺街上人问你安。

你地伪善嘅读书人，及𠵽唎㘔人，有祸咯，因为你好似隐藏嘅坟墓，喺上高行嘅人，都唔知到呀。

有一个教法师答佢话，先生，你讲呢的说话，亦係羞辱我地咯。

耶稣就话，你地教法师都有祸咯，因为你𢬿难担嘅责任俾人担，自己就一只手指都唔摩吓。

你地有祸咯，因为你建做先知嘅坟墓，即係你地祖宗所杀嘅。

噉样，证明你係欢喜祖宗所做嘅咯，因为你祖宗杀个的先知，你又建做佢嘅坟墓。

故此智慧嘅上帝有话（或作上帝嘅智慧有话），我将打发先知共使徒去佢个处，其中有的被佢杀死，有的被佢逼害嘅。

令开辟以来，所有流先知血嘅罪，要为呢代人是问。

自亚伯嘅血起，至到撒加利亚，死倒殿共坛中间嘅血止，我实在话你知，是必为呢代人是问𡃉。

你地教法师有祸咯，因为你地夺哓知识个条锁匙，自己唔入去，又阻住个的想入去嘅人。

耶稣同众人讲紧呢的说话，个的读书人，共𠵽唎㘔人盘问佢，激佢多讲

埋伏嚟賍佢，想执佢口讲嘅说话去告佢。