路加福音 13 · 1883《路加传福音书》（粤语联合译本修订本，香港教育大学数据）

个阵时同埋喺处嘅，有的人话耶稣知，彼拉多𢬿加利利人嘅血，混杂喺佢嘅祭物处。

耶稣答佢哋话，因为呢的加利利人，受噉嘅害，你就估佢嘅罪，越发大过众加利利人咩。

我话你哋知，唔係，若你哋唔悔改，大众亦必噉样灭亡呀。

从前西罗亚㙮跌哓，碛死十八个人，你哋估个的人，比较凡喺耶路撒冷住嘅越发有罪咩。

我话你哋知，唔係，若你哋唔悔改，大众亦必噉样灭亡呀。

耶稣就讲呢的譬喻话，有个人，𢬿无花果树，种落佢嘅菩提园，后来嚟到，喺树上揾果子，唔揾得倒。

就对看园嘅人话，我三年都嚟，喺呢樖无花果树揾果子，总唔揾得倒，斩哓佢喇，做乜俾佢废哓个的地呢。

看园嘅答话，主，今年由得佢，等我周围掘松嚟培粪。

或者结果，倘若冇，然后致斩哓佢喇。

当安息日，耶稣喺一间会堂教紧人。

喺个处，有个女人被鬼迷，病哓十八年，背驼总唔伸得直。

耶稣睇见，就叫佢嚟对佢话，妇人呀，你嘅病解甩咯。

就𢬿只手按吓佢，个女人即时伸得直腰，归荣上帝。

管理会堂嘅，睇见耶稣当安息日医人，就好恼，答大众话，有六日应该做工夫，个六日嚟受医，但安息日就唔好嚹。

主答佢话，伪善嘅人呀，当安息日，你哋边个唔喺栏里头，解佢嘅牛或驴，拉去俾水佢饮呢。

何况呢个妇人，係亚伯拉罕嘅后裔，撒但已经绑住佢十八年，唔应当喺安息日，解甩佢嘅结咩。

耶稣讲出呢的事，个的对敌嘅人，大家都见羞愧，但群众因耶稣做咁多荣显嘅事，就好欢喜。

所以耶稣话，上帝嘅国，好似乜野呢，又𢬿乜野嚟比佢呢。

好比一粒芥菜种，被人𢬿嚟撒落佢嘅园，长大起嚟，成哓一樖树，个的空中嘅雀鸟，住在佢枝上呀。

又话，我𢬿乜野嚟比上帝嘅国呢。

好比酵种，个女人𢬿嚟藏落三斗面粉里头，等佢发起嘥酵嚟。

耶稣向住耶路撒冷去，经过各城各乡，一路教训人。

有个人对耶稣话，主呀，得救嘅人係少咩。

耶稣对佢哋话。尽力争入窄门喇，我话你哋知，因为好多想入唔入得嘅呀，

及家主起身闩埋门之后，你哋企倒外出打门话，主呀，开门过我哋喇，佢将答你哋话，我唔知你哋喺边处嚟嘅。

个阵时，你哋就哙话，我哋也曾喺你面前饮食，你亦喺我哋街上教训。

佢将话，我话你哋知，我唔知你喺边处嚟嘅，你众行恶嘅人，离开我去喇。

你睇见亚伯拉罕，以撒，雅各，与及众先知，都喺上帝嘅国，惟独自己被赶逐出外个时，就必定咬牙切齿嚟啼哭咯。

喺东边西边，南边北边，将有人嚟喺上帝嘅国坐席。

但有的尾后嘅人，将做先头，先头嘅人，将做尾后呀。

个阵有的𠵽唎㘔人，嚟对耶稣话，你离开呢处去喇，因为希律想杀你呀。

耶稣对佢哋话，你去话过个只狐狸知，今日明日，我要赶鬼医人，到第三日，我就完全咯。

虽然係噉样，今日明日及后日，我必要行咯，因为先知，唔得在耶路撒冷之外死亡𡃉。

耶路撒冷呀，耶路撒冷呀，你係杀个的先知，𢬿石掟个的奉命到你处嘅，我已经几多次想聚集你子民，好似鸡乸聚集鸡仔喺翼下一样，但係你唔肯。

噉就你哋嘅屋，将留落为废地嘅，我话你哋知，从今以后，你哋唔再见我，等到你哋话，托主名嚟嘅有福个时啰。