路加福音 15 · 1883《路加福音传》（粤语联合译本修订本，香港理工大学数据）

当时、有好多收税嘅共罪人、嚟近耶稣处、听佢讲。

法利赛人、共读书人、讥弹耶稣话、佢接纳个的罪人、同埋食饭呀。

耶稣对佢哋讲呢个譬喻话。

你哋之中、边个人有一百只羊、失哓一只、唔留落个九十九只喺旷野、就去搵个只失哓嘅、至到搵倒呢。

搵倒、就好欢喜、托上佢膊头。

番到屋𨀣、就请埋朋友共邻舍嚟、对佢哋话、同埋我欢喜喇、因为我搵番失哓个只羊咯。

我话你哋知、好似噉样、有一个罪人悔改、在天上亦必为佢欢喜、多过为九十九个义人、唔使悔改𡃉。○

抑或边个女人、有十个银钱仔、失哓一个、岂唔点著灯打扫屋里、子细嚟搵、至到搵倒咩。

搵倒、就请埋朋友邻舍嚟话、同埋我欢喜喇、因为我搵番失哓个银钱仔咯。

我话你哋知、好似噉样、有一个罪人悔改、在上帝嘅天使面前、都为佢欢喜呀。○

又话、有一个人有两个仔。

个细仔对父亲话、亚爸、𢬿我所应得嘅家业分过我喇、个父亲就同两个仔分开家业。

冇几多日、个细仔聚埋所有嘅野、去好远地方游耍、喺个处好放荡、花散佢嘅家业。

佢一的都散清之时、个处地方有大饥荒、佢就冇得使。

噉就去投靠个处地方一个人、个人打发佢去佢嘅田喂猪。

佢想𢬿猪所食嘅豆壳嚟充饥、都冇人俾野佢食。

个阵时、佢醒悟起嚟话、我父亲咁多工人、佢粮食都有剩、但我喺呢处饿到要死咯。

我将起身、去到我父亲处、对佢话、亚爸、我得罪天、又得罪你。

从今以后、唔敢当做你嘅仔、俾我做你一个工人罢喇。

噉就起身、归到佢父亲处、重离好远、佢父亲睇见、就可怜佢、走前去抱住佢颈、共佢亲嘴。

个仔就对佢话、亚爸、我得罪天、又得罪你、从今以后、唔敢当叫做你嘅仔咯。

佢父亲对个的仆话、即刻攞至好嘅长衫俾佢著、攞戒指戴落佢手指、攞鞋著落佢脚。

拉个只肥牛仔去㓥、等我哋快乐嚟食。

因为我呢个仔、死哓又番生、失哓又得番𡃉。噉就佢哋起首快乐。

但佢个大仔喺田处、及至番嚟、将近到屋、听闻作乐跳舞嘅声。

就叫一个后生嚟问吓、係乜野事干呢。

个后生对佢话、你细佬番嚟、你父亲因为得番佢、冇病痛、所以㓥哓个只肥牛仔。

个大仔就恼起嚟、唔肯入去、佢父亲出嚟劝佢。

佢就答个父亲话、我服事你咁多年，总冇背逆你嘅吩咐、你都未曾俾一只羊仔过我、等我共朋友同埋快乐。

惟係你呢个仔、同妓妇吞嘥你嘅家业、佢一到、你就为佢㓥个只肥牛仔唎咩。

个父亲对佢话、我嘅仔呀、你时时同埋我、我所有嘅野、一的都係你嘅哩。

但你呢个细佬、死哓又复生、失哓又搵番嘅、故此我哋应该欢喜快乐嚹。