路加福音 16 · 1867《路加传福音书》（香港教育大学数据）

耶稣都对佢嘅学生话：有个财主佬，有一个管家，有人𢬿佢使主人家业嘅事嚟，对佢家主讲。

家主就叫佢嚟，对佢话：我听见论及你嘅，个的点样呢？你家吓交出个帐目嚟，因为你唔得仍旧做管家咯。

个管家自己想吓，话：东家革我管家嘅职，后来点样呢？耕田又冇气力，乞食又冇面子。

嗯，我知点样咯，若係噉样做，就革哓我管家嘅职之后，人地是必接我，喺佢屋企咯。

噉就凡係欠佢主人嘅债嘅，一一叫佢嚟，对先到嘅话：你欠我主嘅几多呢？

佢答话： 我欠一百斗油呀； 管家对佢话：拧你嘅单嚟，快的坐倒处，写欠五十罢喇。

又对第二个话：你欠几多呢！佢话：我欠一百担麦呀；管家话：拧你嘅单嚟，写欠八十罢喇。

家主睇见嗰个不义管家做事咁精，就称赞佢；因为呢世界嘅人，论及世事，比较光明嘅人，重精呀。

我都话你知，𢬿非义嘅钱财交结朋友，就到你丧失个阵时，接你入永远嘅屋咯。

有人在至小嘅忠心，就多嘅亦忠心；在至小嘅不义，就多嘅亦不义呀。

若係非义嘅钱财你地都唔忠心，就边个𢬿真实嘅嚟，交托俾你地呢？

若係人地喺嘅野你都唔忠心，就边个𢬿你自己嘅嘢嚟俾你呢？

冇一个仆能服事两个主𡃉，或係憎呢个，爱嗰个，或係睇重呢个，睇轻嗰个；你唔做得服事上帝，又服事财帛呀。

个的贪钱嘅𠵽唎㘔人都听见呢的说话，就笑佢。

耶稣对佢话：你係喺人面前称赞自己係公义嘅，但上帝知道你嘅心噃；因为人睇上嘅，上帝厌恶呀。

自律法与及先知师至到约翰；以后，上帝嘅国有福音，道理传扬出嚟，人人都出力入去咯。

废去天地, 比较废少律法一画，都重容易呀。

但凡出佢嘅老婆，娶返第二个，係行奸淫呀；娶人地所出嘅，又係行奸淫呀。

有个财主佬，著红袍共幼细嘅布，日日繁华快乐。

又有个穷佬，名叫拉撒路，生得满身疮，的人地𢬿佢嚟挤倒财主佬门口处，

想𢬿财主佬跌落台下底，个的湿碎嘅野嚟食饱；个的狗又嚟舐佢嘅疮。

后来嗰个穷佬死哓，上帝嘅使者捧佢，挤倒亚伯拉罕嘅襟怀；财主佬又死哓葬埋。

佢喺阴间痛苦个阵时，担高头，远远睇见亚伯拉罕及拉撒路喺佢襟怀个处；

就大声叫，话：我嘅祖公亚伯拉罕呀，可怜我，打发拉撒路𢬿手指尖点的水嚟凉吓我条脷喇，因为我喺呢处火焰中间好辛苦呀。

但亚伯拉罕话：仔啊，你应该记念，你生前曾受你嘅福，拉撒路受艰难；而家佢受安慰，你受苦楚咯。

唔止噉添呀，喺你共我中间，有一条大坑隔住，想喺呢处过去你个处，唔做得；想喺你个处过嚟我呢处，又唔做得𡃉。

佢就话：若係噉样，就求我嘅祖公，打发拉撒路去我老窦屋企。

因为我重有五个兄弟，使拉撒路为佢作证，免至又嚟到呢处受苦嘅地方喇。

亚伯拉罕对佢话：佢有摩西共先知师，自己就好听佢哩。

但佢话：唔係噉样，我嘅祖公亚伯拉罕呀，若有死人番生，去到佢个处，就是必悔改咯。

亚伯拉罕对佢话：若唔听摩西共先知师嘅话，就有死人番生，佢亦唔听劝嘅哩。