路加福音 17 · 1867《路加传福音书》（香港教育大学数据）

耶稣对佢嘅学生话︰个的陷人犯罪嘅事断断唔能冇；但係陷人嘅有祸咯。

若係陷一个小子犯罪，就宁愿𢬿个大石磨，梆住喺颈处，擗落海，都重好呀。

自己应当谨慎呀，若你嘅兄弟得罪你，就劝谏佢；佢若係悔恨，就赦免佢嚹。

倘若一日七回得罪你，有一日七回自省，话︰我悔恨咯，噉就你是必赦免佢嚹。

使徒对主话：请主加我地嘅信。

主话：若你地有信，好似芥菜种，噉就吩咐呢樖桑树拔起根嚟，种落海处，都听你话咯。

你地有奴仆，或係耕地，或係看牛，喺田返嚟，边个叫佢即时去坐埋筵席呢？

岂有唔係噉话：预备我嘅食物，束起腰带嚟服侍我；等我饮完，食完，你就饮食啰。

个奴仆从命去做，你多谢佢咩？我估唔係呀。

噉样，你地就做照吩咐嘅，都应该自己话：係无用嘅仆，我做嘅，不过係本分应当做嘅呮。

耶稣去耶路撒冷，个时，经过撒马利亚，加利利。

入一条村个时，就遇著十个发疯佬，远远企倒处，大声叫话：

耶稣先生，可怜我。

耶稣睇吓佢，就对佢地话：你去俾祭司睇吓你喇；去个阵时，个的疯疮就好得干干净净咯。

内中有一个人睇见自己已经好嘥，就返转头，大声嚟称赞上帝，

跪倒耶稣脚下，多谢耶稣。嗰个係撒马利亚人呀。

耶稣答话：得医干净嘅，唔係十个人咩？个九个喺边处呢？

除哓呢个外国人之外，唔曾有第二个返嚟称赞上帝呀。

就对嗰个人话：起身，返去归喇，你嘅信救你咯。

个阵时，𠵽唎㘔人问耶稣：上帝嘅国几时致到，就答佢话： 上帝嘅国嚟，唔係照人耳目𡃉。

人是必唔係话：睇吓喺呢处，睇吓，喺个处噃；欸！上帝嘅国就喺你地中间咯。

又对佢嘅学生话：时候到，你想睇见人嘅仔嘅一日，都唔得嚹。

人地将话你知：睇吓喺呢处，睇吓喺个处，你唔好去呀，又唔好跟佢呀。

因为好似天上闪电喺呢边，光到个边，人嘅仔喺嚟个日都係噉呀

但係是必先受好多苦楚，俾呢世代厌弃。

好似挪亚个阵时，个的人饮饮，食食，嫁女，娶新妇，

到挪亚入大船个日，大水嚟到，浸死众人；

又好似罗得个阵时，个的人饮饮，食食，买卖，耕种，起屋。

到罗得出所多玛个日，天上落个的火共硫磺嚟，烧死众人。

人嘅仔显现个日，又係噉呀。

到个日，有人喺屋背嘅，佢嘅家伙喺屋企里头，唔好落去拧呀；又有人喺田嘅，唔好返去归呀。

应当记念罗得嘅老婆呀。

想保住佢嘅生命嘅，反转丧失；但丧失生命嘅，反得保全咯。

我话你地知︰个夜，两个人同一张床，取一个，舍一个。

两个女人同埋磨粉；取一个舍一个。

两个人喺田，取一个，舍一个咯。

学生答对佢话：主阿，边处呢？耶稣对佢话：尸首喺个处，鸦鹰就聚集咯。