路加福音 18 · 1867《路加传福音书》（香港教育大学数据）

耶稣又𢬿譬喻嚟讲明人应当时时祈祷，唔好癐。

喺一个城，有一个官府，佢唔怕上帝，又冇礼貌待人嘅。

喺嗰个城，有一个寡母婆，入去见佢，话：有人共我做冤家，求你共我伸冤。

好耐佢都唔肯，后来自己想吓，话：虽然我唔怕上帝，又冇礼貌待人

因为呢个寡母婆再三嚟搅扰我，我就肯共佢伸冤，免致佢收尾嚟嘈吵我咯。

主话：你听嗰个不义嘅官府佢讲嘅说话。

就上帝揀择嘅百姓日夜祈祷，虽然冇咁快应验，岂话唔係到底共佢地伸冤咩？

我话你知，上帝共人伸冤快快咯，但人嘅仔嚟，岂话喺世上遇着有信咩？

有几个人，自己倚是係善义嘅，就睇轻别二个人，所以耶稣𢬿譬喻嚟对佢讲，话：

有两个人，佢上去殿堂祈祷，一个係𠵽唎㘔人，一个係收税嘅官。

嗰个𠵽唎㘔人另自企倒处祈祷，话：多谢上帝，因为我唔係好似别二个人，贼佬、非义嘅、行奸淫嘅，又唔係好似嗰个收税嘅官。

我七日两回食斋，𢬿所有嘅嚟纳十分一呀。

嗰个收税嘅官远远企倒处，唔噉担高头嚟望上天，就自己泵胸话：上帝可怜我，我係罪人

我话你知，呢个人去归，比较嗰个人，越发得称为义呀；因为自己高举嘅，是必降做卑下，自己谦卑嘅，得升高呀。

有人带细蚊仔嚟，想俾耶稣摩吓，但学生睇见，就责成佢。

但耶稣叫佢嚟，话︰由得个细蚊仔嚟到我呢处喇，唔好阻住佢，因为有上帝国嘅，正係噉样嘅人呀。

我老实话你知，但凡承受上帝嘅国，唔係同细蚊仔噉样，就唔得入咯。

有个官府嚟，问耶稣，话︰良善嘅先生呀，我应当做乜野至得永生呢？

耶稣对佢话︰做乜称我做善嘅呮，冇一个係善𡃉，独係上帝咋。

各样诫条你识得喇︰唔好行奸淫，唔好杀人，唔好偷野，唔好做假证，孝敬你嘅父母呀。

佢话︰个的我自小都守从咯。

耶稣听见个的，就对佢话︰重少一件，卖哓喊唪唥你所有嘅，嚟施济穷人，就是必有财帛喺天咯；而且你嚟跟随我呀。

嗰个人听见，就好忧闷，因为佢係好财主𡃉。

耶稣见佢咁忧闷，就话︰财主佬入上帝嘅国，实在係难咯！

骆驼穿过针眼，比较财主佬入上帝嘅国，都重容易呀。

听见嘅人话︰噉就边个得救呢？

耶稣话︰喺人唔做得嚟嘅，喺上帝做得嚟呀。

彼得就话：我地，已经舍去喊唪唥嘅，嚟跟随你咯

耶稣对佢地话：我老实话你知，有人，因为上帝嘅国，离哓佢嘅屋，及父母，兄弟，妻子嘅；

喺今世一定得返几倍，来世又得永生呀。

耶稣带埋十二个学生，对佢话︰我地上耶路撒冷，就先知师所写论及人嘅仔嘅，喊唪唥都是必得应验嚹。

因为人地𢬿佢嚟，解俾外国嘅人，戏弄佢，凌辱佢，又俾口水吐佢，

𢬿鞭嚟打佢，杀哓佢；到第三日佢就番生咯。

呢句说话为个学生係隐藏，故此唔通达，唔知佢讲乜野呀。

耶稣近耶利哥个阵时，有个盲眼佬坐倒路边乞食。

佢听见众人喺处经过，就问吓为乜野事。

有人对佢话，拿撒勒人耶稣喺处过呀。

嗰个盲眼佬就大声喓话︰大辟嘅子孙耶稣，可怜我。

前头行嘅人就责成佢，叫佢咪出声；但佢越发大声叫，话︰大辟嘅子孙呀，可怜我喇。

耶稣就停住脚，吩咐人带佢嚟；嚟到，耶稣问佢，话︰你想我为你做乜野呢？

佢话︰主呀，我想睇得见呮。

耶稣对佢话︰可以睇得见你嘅信医好你咯。

佢就睇得见，跟随耶稣，称赞上帝；众人睇见呢件事，都称赞上帝咯。