路加福音 20 · 1883《路加福音传》（粤语联合译本修订本，香港理工大学数据）

有一日、耶稣在殿堂教紧百姓、传福音之时、众祭司长共读书人、及长老、嚟问佢话。

请你话我哋知、你𢬿乜野权柄嚟做呢的事、又乜谁赐呢的权柄过你呢。

耶稣答佢哋话、我亦问你哋一句、请你话我知。

约翰嘅洗礼、係由天嚟、抑或由人嚟嘅呢。

个的人私吓斟酌话、若话係由天嚟嘅、佢必定问、做乜你哋唔信佢呢。

若话係由人嚟嘅、众百姓必𢬿石头嚟矴、我哋、因为佢哋都信约翰係先知呀。

就答耶稣话、我哋唔知由边处嚟呀。

耶稣对佢哋话、我都唔话你知、我𢬿乜野权柄嚟做呢的事。○

就对百姓讲呢的譬喻话、有个人种哓一个菩提园、租过耕种人、自己去别处地方好耐。

到期、打发一个仆、去个的耕种人处、等佢哋纳园中嘅果俾佢、但耕种人打佢、令佢空手番去。

再打发第二个仆去、个的耕种人亦打佢、而且凌辱佢、令佢空手番去。

更打发第三个仆去、个的耕种人打伤佢、赶逐佢添。

园主就话、我要点样做呢、要打发我所爱嘅仔去、或者佢哋恭敬佢咯。

但个的耕种人睇见佢、就彼此勘酌话、呢个係承受家业嘅仔、我哋嚟杀死佢、等个的家业归我哋咯。

噉就赶佢出菩提园外杀哓、园主点样处置佢哋呢。

必定嚟到、剿灭个的耕种人、𢬿个园交托别人咯。个的听见嘅人就话、唔好有噉嘅事呀。

耶稣睇住佢哋话、圣经所写、起屋师傅所丢弃嘅石、做哓屋角第一嚿石、係点解呢。

凡跌落呢嚿石上嘅人、必定损伤、但呢嚿石跌落佢身上嘅、是必碛碎佢咯。

个阵时、大众读书人共祭司长、知到耶稣讲呢的譬喻、係指佢哋、就想捉佢、但係怕百姓呮。○

就静静𥅾佢、打发探子假扮做义人、等执佢嘅说话、解佢去总督处处治佢。

探子就问耶稣话、老师、我哋知你所讲所传嘅、俱係正道、你唔𢬿外貌嚟取人、乃係真实嚟传上帝嘅道。

我哋纳税过该撒、著唔著呢。

耶稣知到佢哋嘅诡计、就对佢哋话、做乜你哋试我呢。

俾个银钱仔我睇吓、个相头共国号、係乜谁嘅呢。佢哋答话、係该撒嘅。

耶稣对佢哋话、噉就𢬿该撒嘅物件、纳过该撒𢬿上帝嘅物件、纳过上帝喇。

个的探子喺百姓面前、唔执得佢嘅说话、而且惊奇佢嘅应对、就冇声出。○

个的(口撒)吐𡀲人、话人冇复生嘅、其中有的嚟问耶稣话。

老师、摩西写落书嚟指示我哋噉话、倘若人嘅兄弟有妻、冇仔就死哓、佢嘅兄弟、要娶佢嘅妻、生仔嚟承继佢。

从前有七个兄弟、至大嘅娶妻、冇仔就死哓。

第二嘅娶佢嘅妻、又冇仔死哓。

第三嘅又娶佢、至到第七嘅都娶过佢、俱冇仔生落死哓。

收尾个女人亦死。

在复生之时、个女人做佢哋边个嘅妻呢、因为呢七个都娶过佢咯。

耶稣答佢哋话、呢世嘅人、有嫁有娶呮。

惟係堪得到个世、及由死者之中复生嘅、就冇嫁冇娶咯。

以后不能再死、因为佢好似天使、又係上帝嘅仔、就係复生嘅人咯。

讲到死人复生嘅事、摩西在荆棘篇有讲咯、佢称主做亚伯拉罕嘅上帝、以撒嘅上帝。雅各嘅上帝。

但上帝唔係死者嘅上帝、乃係生者嘅上帝、因为众人在佢面前、都係生嘅呀。

有的读书人答佢话、老师、你讲得著咯。

后来就冇人敢盘问佢。○

耶稣对众人话、人哋点话基督係大辟嘅子孙呢。

喺诗篇中、大辟自己讲、主对我嘅主话、

坐倒我右边、等我𢬿你嘅仇敌、做你嘅脚踏凳。

大辟既然称基督做主、噉基督点样係大辟嘅子孙呢。○

众百姓听讲个时、耶稣对门生话。

提防个的读书人呀、佢哋好著长衫、出去游行、又欢喜喺市上请安、喺会堂坐大位、喺筵席坐上位。

但係佢吞寡妇嘅家业、假意做长长祈祷、佢哋将来受刑罚、是必更重呀。