路加福音 21 · 1867《路加传福音书》（香港教育大学数据）

耶稣担高头，睇见财主佬捐银入库。

又睇见一个穷嘅寡母婆捐一厘银。

就话：我老实话你知，呢个穷嘅寡母婆，比较众人，越发捐提得多呀。

因为众人𢬿有余有剩嘅嚟捐俾上帝，但呢个女人佢係缺乏，而且捐(提)喊唪唥所有驾。

个阵时，有几个人讲论个殿堂，係𢬿好嘅石，好嘅器皿嚟修饰。

耶稣就话：时日一到，你睇嘅物件是必喊唪唥败坏，唔留一嚿石喺第二嚿石上高阿。

众人就问佢，话：先生，几时有呢件事呢？呢件事应验个时有乜野兆头呢？

耶稣话：谨慎，咪俾人迷惑呀，因为有好多人假冒我嘅名嚟话：我係基督，时候到咯；但你咪从佢呀。

若你听见打仗作乱嘅事，唔使慌；因为必定先有呢件事，但係末日唔曾到呮。

耶稣就对佢话：百姓佢将攻打百姓，一国又攻打一国。

周围地大震，饥荒、瘟疫，天上又有得人怕嘅大兆头。

喊唪唥呢的事之先，人地，因为我嘅名，捉你，赶逐你，解送你到佢嘅会堂，挤你落监，拉你到王侯嘅面前。

你遇著呢的事嚟做证据。

你应该把定你嘅心，唔使预先忧虑，𢬿乜野说话嚟对答。

因为我将𢬿口才智慧俾过你，致到你喊唪唥仇敌唔能辩驳对敌。

你将被父母，兄弟，亲戚，朋友解送你，你地内中有人俾人杀死。

你因为我嘅名俾众人恨怒，

但你一条头发都唔丧失呀。

你要以忍耐得你嘅生命咯。

若你将睇见兵丁四面围困耶路撒冷，就知道佢嘅败坏近嚹。

个阵时，喺犹太地方嘅人，应该走上山；喺城里头嘅，应该走出嚟，喺田嘅，唔好入去。

因为个日係伸冤嘅日子，圣经书写嘅，都得应验咯。

个阵时，佗胎嘅女人，喂奶嘅女人，佢有祸咯；因为喺地上必定有大大嘅灾难，及怒在呢的百姓呀。

佢将死在刀下，俾人捉佢到各国，耶路撒冷俾外国人踩踏，至到外国人嘅日期满呀。

日月星宿，必定有出奇嘅兆头，地上各国有勒迫艰难，踌躇失望；海嘅波浪涌起嚟，好大声 。

人人都慌埋所是必嚟呢世界嘅，怕到冇胆，因为天世都将震动呀。

后来睇见人嘅仔𢬿大权势，大荣威，骑住个云噉嚟。

起首有呢件事，就应该起身担高头，因为赎你嘅日子近咯。

又讲譬喻对佢话：你睇无花果树共各样嘅树木呀。若佢今时爆芽，就你可以睇见，知道夏天近咯。

噉样，你睇见呢的事，喊唪唥成就，都知道上帝国近咯。

我老实话你知；呢世代未曾过，就呢的事喊唪唥得应验咯。

天地将废坏，但我嘅说话唔废坏呀。

你应当谨慎，免至俾个食饱，饮醉及世事嘅挂虑，佗累你嘅心，恐怕嗰个日子忽然嚟到你，

因为佢嚟到全地嘅人，如同罗网噉呀。

故此应当时时警醒祈祷，就可以堪当躲避喊唪唥将来成就嘅事，及企倒人嘅仔面前咯。

耶稣日日喺殿堂教训人，夜晚就出去，去到橄榄山歇宿。

大众百姓早早就去到殿堂听佢讲。