路加福音 21 · 1883《路加传福音书》（粤语联合译本修订本，香港教育大学数据）

耶稣担高头，见个的财主嘅人，将佢所签嘅银挤入库。

又见一个穷嘅寡妇，签两个钱。

就话，我实在话你哋知，呢个穷嘅寡妇，比较众人，越发签得多呀。

因为众人係𢬿余剩嘅嚟签过上帝，但呢个寡妇係缺乏嘅，亦将所有养口嘅嚟签嘥呀。

个阵时，有的人讲论个间殿，係𢬿好石，及供献嘅物件嚟修饰。

耶稣就话，你哋所见个的物件，日子一到，就喺呢处冇一嚿石，留番喺第嚿石之上唔毁拆𡃉。

众人问佢话，老师，几时有呢的事呢，呢的事应验之时，有乜兆头呢。

耶稣话，你哋谨慎，咪俾人迷惑呀，因为将来，有好多人假冒我名嚟话，我係基督，时候近咯，但你哋咪跟从佢。

你哋将来听见打仗作乱嘅事，唔使慌，因为呢的事，必定先有嘅，但末日唔係即时到呮。

耶稣又对佢哋话，民将攻打民，国将攻打国。

周围地大震，有饥荒瘟疫，而且有可怕嘅事，大嘅异象，自天上现出嚟。

呢的各样事之先，人哋将捉你，迫害你，解你到会堂，挤你落监，又为我嘅名，拉你到王侯面前。

你哋遇着呢的事，就係证据。

所以要把定你嘅心，唔使预先忧虑，点样说话对答。

因为我将𢬿口才智慧赐过你哋，等你所有仇敌，不能辩驳对敌。

你哋将被父母兄弟亲戚朋友解去，而且你哋之中，有被佢哋杀嘅。

你哋为我嘅名，被众人憎恶。

但你哋一条头发都唔丧失呀。

你哋要忍耐，致得保全你嘅生命。

你哋见大兵围住耶路撒冷之时，就知到个城将近灭亡咯。

个阵时，在犹太地嘅人，要走上山，在城里嘅，要出去，在乡下嘅，唔好入城。

因为个日係伸寃嘅日子，等圣经所写落嘅事，俱得应验。

个阵时，怀胎共喂奶嘅女人有祸咯，因为此地必有大难，恼怒降落呢的百姓呀。

佢哋必死在刀下，被人掳掠到各国，而且耶路撒冷，被异邦人踹踏，直到异邦人嘅日子满呀。

日月星宿，将有出奇嘅形象，地上各国，有困苦流离，因海浪涌起嘅大声音 。

又想着将要临到世上嘅事，就人人惊慌，魂不附体，因为天象必定震动呀。

到个时，必睇见人子𢬿权势及大荣，坐住云落嚟。

一有呢的事，你哋就要兴起担高头，因为赎你嘅日子近咯。

耶稣又设譬喻对佢哋话，试睇吓无花果树，共各样嘅树吖，佢发芽个时，你哋睇见，自然知到夏天近咯。

噉样你哋睇见呢的事成哓个时，就知到上帝国近咯。

我实在话你知，呢个世代未曾过，呢的事俱要成哓。

天地必哙废坏，但我嘅说话，断唔哙废坏。

你哋要自己谨慎，恐怕有时被多饮多食，及世事嘅挂虑，昏迷你心，个日子，不觉就嚟到你处。

因为个日子，将临到全地嘅人，好似罗网噉呀。

故此你哋要儆醒，时时祈祷，等你堪避将来各样嘅事，及堪企倒人子面前。

耶稣日间喺殿堂教人，夜晚出去个山，叫做橄榄山歇宿。

大众百姓，早早嚟到殿堂，听佢讲道。