路加福音 23 · 1883《路加传福音书》（粤语联合译本修订本，香港教育大学数据）

大众一齐起嚟，解耶稣到彼拉多面前。

就告佢话，我哋见呢个人蛊惑民心，禁人纳税过该撒，又自称为基督为王。

彼拉多问耶稣话，你係犹太人嘅王咩。耶稣答佢话，你讲嘅着咯。

彼拉多对众祭司长，共众人话，我见呢个人无罪呀。

众人越发出力话，佢搅乱百姓，喺犹太省地方周围传教，由加利利起，至到呢处。

彼拉多一闻得呢的，就问话，呢个係加利利人咩。

知到耶稣係属希律管辖，就打发佢去希律个处，个阵时，希律亦在耶路撒冷。

希律一见耶稣，就好欢喜，好耐想见佢，因为也曾听闻佢嘅事，而且想睇佢行异迹。

所以好多说话问佢，但耶稣一句都唔答。

众祭司长共读书人企起嚟，好落力告佢。

希律共佢嘅兵丁藐视耶稣，戏弄佢，拧件华美衣服共佢着，打发佢番去彼拉多处。

希律共彼拉多，平素係仇敌嚟，到个日，就做朋友咯。

彼拉多叫埋众祭司长，各官及百姓嚟，对佢哋话。

你哋解呢个人过我，话佢謆惑民心，我也曾将你哋告佢嘅事，喺你哋面前审过，唔查得出佢有罪噃。

希律都係噉样，因为佢打发耶稣番嚟我处，佢亦见耶稣冇做过一件应死嘅罪。

故此我要打过佢，就释放佢嚹。

因为当节期之时，总督必要放一个犯人俾佢哋。

大众齐声叫话，丢弃呢个人，放巴拉巴过我哋喇。

个巴拉巴在城中作乱杀人，故此困佢入监嘅。

彼拉多想放耶稣，所以再劝解众人。

众人大声叫话，钉佢落十字架喇，钉佢落十字架喇。

彼拉多第三次对佢哋话，佢行乜野恶呢，我唔查得出佢有应死嘅罪，故此我要打过佢，就释放佢咯。

众人急切，越发大声，求佢钉耶稣落十字架，噉就众人嘅声赢哓。

彼拉多就依佢哋所求嘅嚟定案，

放哓作乱杀人，困入监个个，即係百姓所求嘅，就交耶稣过百姓，顺从佢哋嘅意思。

拉耶稣去个时，有个古利奈人西门喺田番嚟，众人捉住佢，令佢孭起十字架，跟从耶稣。

大众百姓跟从佢，又有好多女人，为佢哭得好悲哀。

耶稣回头向住佢哋话，耶路撒冷嘅女呀，唔使为我啼哭，应当为你自己共你仔女啼哭呀 。

因为日子将到，个时人哋必话，唔成得孕嘅，总未怀胎嘅，总未喂奶嘅，有福咯。

个阵时，人将对高山话，碛住我哋喇，对小山话，遮住我哋喇。

因为青绿嘅树木，佢哋尚且噉样做，干枯嘅树木，将点样做呢。

佢哋又拉两个犯人嚟，同埋耶稣受死。

去到一处地方，叫做枯颅头处，就喺个处，钉耶稣落十字架，与及钉个两个犯法嘅人，一个在左便，一个在右便。

耶稣话，父呀，求你赦免佢哋，因为佢唔知到佢所做嘅事呀，个的人就执筹分开耶稣嘅衣服。

百姓企倒处睇，个的官共众人，讥诮佢话，佢救过别人，倘若佢係基督，上帝所揀选嘅，就要救自己嚹。

兵丁都戏弄佢，行埋去俾醋佢饮，话，

你若係犹太人嘅王，就当救自己嚹。

佢上头有一条标，话，呢个係犹太人嘅王。

同埋吊起嘅，个两个犯人，有一个讥诮耶稣话，你若係基督，就救自己共我哋哩。

第二个责成佢答话，你同埋受死，你都重唔怕上帝咩。

我哋係应该嘅，因为我哋所受嘅刑，係合我哋所做嘅事，但呢个人，冇做过的唔着嘅呀，

就对耶稣话，去到你国个时，记念我呀。

耶稣对佢话，我实在话你知，今日你必同我在乐园咯。

个阵大约係正午时，至到未时尾，周围地方都阴黑。

热头变为昏暗，殿里嘅布帐，喺中间裂开。

耶稣大声叫话，父呀，我嘅灵魂交托你手咯，讲完，气就断。

个百把总睇见呢的事，就归荣上帝话，呢个真係义人咯。

众人聚埋喺处睇嘅，见哓呢的各样事，就泵胸番去。

所有共耶稣相识嘅，及喺加利利跟从耶稣嘅女人，远远企处，都睇见呢的事。

有个人名叫约瑟，佢做议事官，係良善而且公义嘅。

个时，佢冇依从个的人所谋所做，佢係犹太亚利马太城嘅人，平日仰慕神国嘅。

呢个人入去见彼拉多，求耶稣嘅尸。

佢就攞哓尸落嚟，𢬿幼细麻布包好，挤倒磐石凿成嘅坟墓，唔曾有人葬过嘅。

个日係预偹嘅日子，又安息日将近咯。

由加利利同耶稣嚟嘅个的女人，亦跟住，睇个坟墓，及点样安置佢嘅尸。

佢哋去归，就整定香料香油，到安息日，遵依诫命嚟歇息。