路加福音 24 · 1872《路加福音传》（香港教育大学数据）

当七日期嘅第一日，清早时，个的女人，带埋佢所整定嘅香料，嚟到坟墓，又有的女人同埋佢嚟。

睇见个嚿石，已经喺坟墓处辘开。

佢地入去，唔见哓主耶稣嘅尸。

因呢的事，正在疑惑个时，有两个人，企倒侧边，衣服好光嘅。

个的女人好慌，佢嘅面蹼倒地下，个两个人对佢地话，做乜喺死人之中揾生人呢。

佢已经番生咯，唔喺呢处咯，你要记忆佢喺加利利个时，对你地讲过嘅。

话，人子必定解过罪人嘅手，钉在十字架，第三日就番生。

个的女人，记起耶稣嘅说话。

从坟墓处番去，𢬿呢的事，报过十一个使徒，及众同伴嘅人知。

个的嚟报过使徒知嘅，即係抹大拉嘅马利亚，雅各嘅老母马利亚，及约亚拿，又有同伴嘅女人添。

使徒以为佢嘅说话虚假故此唔信佢。

彼得起身，走到坟墓，恶低头，睇见个的幼细麻布，挤埋一边，就去归，佢心中好诧异呢件事。

个一日，有两个门生去一条村，名叫以马迕，离耶路撒冷二十五里咁远。

呢两个人，谈论所遇着嘅事。

佢地谈论个时，耶稣自己嚟近，同埋佢行。

呢两个人，眼见昏花，唔认得佢。

耶稣对佢地话，你地同行个时，面带忧愁，谈论乜野嘅事呢。

个一个名叫革流巴答佢话，你在耶路撒冷做客，独唔知个处近日所有嘅事咩。

耶稣对佢地话，乜野事呀，佢地对佢话，论及拿撒勒人耶稣嘅事，佢係个先知，在上帝共众百姓面前，说话行为，都有大能𡃉。

我地嘅大众祭司长及官府，解佢去定死罪，钉佢在十字架处。

但呢个人係我地平日所望哙赎以色列民嘅，呢的事做成，如今已经三日咯。

而且我地之中，有几个女人令我地惊奇，佢地清早到坟墓，

唔见哓耶稣嘅尸。番嚟就话，已经睇见天使显现，话耶稣番生咯。

我地之中，有几人去到坟墓，果然所遇着，照依个女人所讲嘅，独係唔见耶稣呮。

耶稣对佢地话，无知识嘅人呀，你地嘅心，做乜咁迟慢信先知所有讲嘅说话呀。

基督唔係应该受呢的难，而且入到佢嘅荣耀咩。

噉就自摩西起，至到众先知止，但凡圣经所写，嚟指佢自己嘅，一的都同佢详细解明。

将到佢地所去个条村，耶稣好似重要行远的噉。

个两个人，勉强留佢话，已经挨晚时候，热头上下落咯，请你同我地歇宿罢咯，耶稣就入去，共佢地歇。

同埋佢地坐席个时，耶稣拧饼嚟祝谢，擘开分俾佢地。

佢两人嘅眼就明番，认得耶稣，忽然耶稣唔见哓。

佢两人相讲话，在路上同我地谈论，而且详解圣经个时，我地嘅心，岂係唔热咩。

佢地即时起程，番去耶路撒冷，见十一个使徒，及个的同伴嘅人聚集。

话，主果然番生，现出过西门睇咯。

呢两人又讲起路上所遇着嘅，及因为分饼认得佢係耶稣嘅事。

大众讲紧呢的事，耶稣自己企倒佢地之中，对佢地话，愿你地平安。

门生就好惊慌，思疑所见嘅係魂。

耶稣对佢地话，做乜你地咁惊慌，做乜个心咁疑惑起嚟呢。

睇吓我手我脚，就知到係我哩，试摩吓我，就睇出咯，因为魂冇骨肉，好似你地见我有噉嘅。

讲紧呢的，就𢬿手脚俾佢地睇。

门生因为欢喜到极，倒转唔信，见咁出奇。耶稣就对佢地话，你地呢处有食物冇呢。

佢地就𢬿一件煎鱼， 及一块蜜房俾佢 。

耶稣当佢地面前拧嚟食。

对佢地话，我平日同埋你地喺处，已经讲过，即係话摩西嘅律法，先知嘅书，及诗篇所载，指着我嘅，都必定应验。

就开佢地嘅心思，令佢明白圣经

又对佢地话，圣经有话，基督应该噉样受难，到第三日，由死者之中番生。

令人托佢嘅名，传悔攺赦罪嘅道理，自耶路撒冷起，至到万国。

你地为呢的事做证人咯。

我将打发我父亲所应承嘅，降临到你，你应该喺耶路撒冷城居住，等到自天上赐权柄过你地呀。

耶稣带佢地去到伯大尼，递起手嚟祝福佢。

祝福个时，离开众人，就升上天。

众人崇拜佢，好欢喜番去耶路撒冷。

又时时喺殿堂，赞美祝谢上帝。