路加福音 24 · 1883《路加福音传》（粤语联合译本修订本，香港理工大学数据）

当七日期嘅第一日、清早时、个的女人、带埋佢所整定嘅香料嚟到坟墓。○

睇见个嚿石、已经喺坟墓处辘开。

佢哋入去、唔见哓主耶稣嘅尸。

因呢的事、正在疑惑个时、有两个人、企倒侧边、衣服好光嘅。

个的女人好慌、佢嘅面𡂈倒地下、个两个人对佢哋话、做乜喺死人之中搵生人呢。

佢已经复生咯、唔喺呢处咯、你要记忆佢喺加利利个时、对你哋讲过嘅。

话、人子必定解过罪人嘅手、钉在十字架、第三日就复生。

个的女人、记起耶稣嘅说话、

从坟墓处番去、𢬿呢的事、报过十一个使徒、及众同伴嘅人知。

个的嚟报过使徒知嘅、即係抹大拉嘅马利亚、雅各嘅老母马利亚、及约亚拿、又有同伴嘅女人添。

使徒以为佢嘅说话虚假、故此唔信佢、

彼得起身、走到坟墓、恶低头、睇见个的幼细麻布、挤埋一边、就去归、佢心中好诧异呢件事。○

个一日、有两个门生去一条村、名叫以马迕、离耶路撒冷二十五里咁远。

呢两个人、谈论所遇著嘅事。

佢哋谈论个时、耶稣自己嚟近、同埋佢行。

呢两个人、眼见昏花、唔认得佢。

耶稣对佢哋话、你哋同行个时、谈论乜野事呢。

佢哋企住、面带忧愁、有一个名叫革流巴答话、你在耶路撒冷做客、独唔知个处近日所有嘅事咩。

耶稣对佢哋话、乜野事呀、佢哋答佢话、论及拿撒勒人耶稣嘅事、佢係先知、在上帝共众百姓面前、说话行为、都有大能嘅呀。

我哋嘅众祭司长及官府、解佢去定死罪、钉佢落十字架。

但呢个人係我哋平日所望哙赎以色列民嘅、呢的事做成、如今已经三日咯。

而且我哋之中、有几个女人令我哋惊奇、佢哋清早到坟墓、

唔见哓耶稣嘅尸。就番嚟话、见过天使显现、话耶稣复生咯。

我哋之中、有几个人去到坟墓、所遇著嘅、果然照依个的女人所讲、独係唔见耶稣呮。

耶稣对佢哋话、无知识嘅人呀、你哋嘅心、咁迟慢信先知所有讲嘅说话呢。

基督唔係应该受呢的难、而且入到佢嘅荣耀咩。

噉就自摩西起、至到众先知止、但凡圣经所写嚟指佢自己嘅、一的都同佢详细解明。

将到佢哋所去个条村、耶稣好似重要行远的噉。

个两个人、勉强留佢话、已经挨晚时候、热头上下落咯、请你同我哋歇宿罢略、耶稣就入去、共佢哋歇。

同埋佢哋坐席个时、耶稣拧饼嚟祝谢、擘开分俾佢哋。

佢两人嘅眼就明番、认得耶稣、忽然又唔见哓、

佢两人相讲话、在路上同我哋谈论、而且详解圣经个时、我哋嘅心、岂唔係好热咩。○

佢哋即时起程、番去耶路撒冷、见十一个使徒、及同伴嘅人聚集。

话主果然复生、现出过西门睇咯。

呢两人又讲起路上所遇著嘅、及因为分饼认得佢係耶稣嘅事。○

大众讲紧呢的事、耶稣自己企倒佢哋之中、对佢哋话、愿你哋平安。

门生就好惊慌、思疑所见嘅係魂。

耶稣对佢哋话、做乜你哋咁惊慌、做乜个心咁疑惑起嚟呢。

睇吓我手我脚、就知到係我哩、试摩吓我、就睇出咯、因为魂冇骨肉、好似你哋见我有噉嘅。

讲紧呢的、就𢬿手脚俾佢哋睇。

门生因为欢喜到极、仍然唔信、见好出奇。耶稣就对佢哋话、你哋呢处有食物冇呢。

佢哋就𢬿一件煎鱼、及一块蜜房俾佢。

耶稣当佢哋面前拧嚟食。

对佢哋话、我平日同埋你哋喺处、已经讲过、即係话摩西嘅律法、先知嘅书、及诗篇所载指着我嘅、都必定应验。

就开佢哋嘅心思、令佢明白圣经。

又对佢哋话、圣经有话、基督应该噉样受难、到第三日、由死者之中复生。

令人托佢嘅名、传悔改赦罪嘅道理、自耶路撒冷起、至到万国。

你哋为呢的事做证人咯。

我将打发我父亲所应该嘅、降临到你、你应该喺耶路撒冷城居住、等到自天上赐权柄过你哋呀。○

耶稣带佢哋去到伯大尼、递起手嚟祝福佢。

祝福个时、离开众人、就升上天。众人崇拜佢、好欢喜番去耶路撒冷、又时时喺殿堂祝谢上帝。