路加福音 3 · 1883《路加传福音书》（粤语联合译本修订本，香港教育大学数据）

该撒提庇留，在位之十五年，本丢彼拉多，做犹太嘅总督，希律喺加利利做分封嘅国王，佢兄弟腓力，喺以士利亚，及特拉可尼地方，做分封嘅国王，吕撒聂喺亚比利尼做分封嘅国王。

亚那共该亚法做祭司长个时，撒加利亚嘅仔约翰，喺旷野奉上帝命。

就嚟到约但河，四边传悔改得罪赦嘅洗礼。

照依先知以赛亚书中所讲，旷野有人声喓话，预偹主大路，整直佢小路。

各山谷必被填满，大小山必被掘低，弯曲嘅整到直，岩巉嘅整到平。

凡有血气嘅，必得见上帝拯救嘅恩。

众人嚟想受佢洗礼，约翰对佢哋话，毒蛇之类呀，边个教你避后来嘅恼怒呢。

所以当结果合于悔改，你哋心中咪话，我哋有亚伯拉罕係祖宗呀，因为我话你知，上帝能将呢的石，变为亚伯拉罕嘅子孙呀。

如今斧头已经挤落树脚，但凡树木唔结好果嘅，就斩哓𢫕落火处。

众人就问佢话，我哋应当做乜野呢。

约翰答佢哋话，有两件衫，就要分过冇衫嘅，有食物都要噉做。

又有收税嘅嚟，想受洗礼，就问佢话，老师，我哋应当做乜野呢。

约翰对佢哋话，除哓钱粮定额之外，就唔好要多。

兵丁亦问佢话，我哋应当做乜野呢，约翰对佢哋话，唔好勒索人，唔好讹诈人，自己所得嘅粮，就好知足咯。

个阵时，百姓仰望基督嚟，心中揣度，唔知约翰就係唔係。

约翰对众人话，我用水施洗你哋，但有一个胜过我嘅嚟，我共佢解鞋带，都唔称，佢将用圣灵共火施洗你哋，

佢手拧个筛箕，要筛清佢嘅禾场，收麦入仓，用不灭嘅火嚟烧个的糠。

约翰另外有好多说话传福音嚟劝百姓。

分封嘅国王希律，因为佢兄弟嘅妻希罗底事，及所行各样恶事，被约翰直谏。

佢反加増呢件恶事，销住约翰在监。

大众百姓受晓洗礼，耶稣亦亲受洗礼，祈祷个时，天就开哓。

圣灵降临在耶稣之上，形状好似白鸽噉样，喺天有声出话，你係我嘅爱子，我所欢喜嘅。

耶稣起首教人个时，大约三十岁，人哋以为係约瑟嘅仔，约瑟以上係希里。

其上係马塔，其上係利未，其上係麦基，其上係雅拿，其上係约瑟。

其上係马大提亚，其上係亚么士，其上係拿翁，其上係以士里，其上係拿该。

其上係马押，其上係马大提亚，其上係西美，其上係约瑟，其上係犹大，

其上係约亚拿，其上係利撒，其上係所罗把伯，其上撒拉铁，其上係尼利。

其上係麦基，其上係亚底，其上係哥桑，其上係以摩堂，其上係耳。

其上係约细，其上係以列撒，其上係约令，其上係马塔，其上係利未。

其上係西面，其上係犹大，其上係约瑟，其上係约南，其上係以利亚金。

其上係米利亚，其上係买南，其上係马达他，其上係拿坍，其上係大辟。

其上係耶西，其上係阿伯，其上係波士，其上係撒们，其上係拿顺。

其上係亚米拿达，其上係亚兰，其上係以士仑，其上係法勒士，其上係犹大。

其上係雅各，其上係以撒，其上係亚伯拉罕，其上係他拉，其上係拿鹤。

其上係撒鹿，其上係拉苟，其上係法勒，其上係希伯，其上係撒拉。

其上係该南，其上係亚法撒，其上係闪，其上係挪亚，其上係拉麦。

其上係马土撒拉，其上係以诺，其上係雅列，其上係马勒列，其上係该南。

其上係以哪士，其上係设，其上係亚当，其上係上帝。