耶稣被圣灵充满，喺约但河番嚟，圣灵引佢去到旷野，
四十日咁耐被魔鬼试佢；个时冇得食，呢的日期过哓，佢就肚饿。
魔鬼对佢话：「你若係上帝之子，就吩咐呢嚿石变做饼喇。」
耶稣答佢话：「圣经有写：『人得生，不独倚赖饼。』」
魔鬼又带耶稣上高山，一息间就𢬿天下列国俾佢睇。
魔鬼对佢话：「我将𢬿呢的权柄及列国嘅荣光尽哋俾过你，因为呢的已经交过我，随我意思俾过人。
故此你若肯拜我，就尽哋俾过你。」
耶稣答佢话：「圣经有写：『应该拜主你嘅上帝，独係服事佢呮。』」
又带佢去到耶路撒冷，令佢企倒殿顶上，对佢话：「你若係上帝之子，就自己跳落去喇。
因为圣经有写：『佢必吩咐佢嘅天使保护你，
𢬿手扶住你，免至你脚踢亲石。』」
耶稣答佢话：「圣经有讲：『你唔好试主你嘅上帝。』」
魔鬼用尽试惑，就暂时离开耶稣。
耶稣得圣灵嘅才能，番去加利利，佢嘅名声传到四方。
喺各会堂教人，众人归荣佢。
去到拿撒勒，即係佢长大嘅地方，在安息日照佢规矩入去会堂，企起处嚟读圣书。
有人𢬿先知以赛亚嘅书递过佢，佢就揭开嚟，揾着个篇所写嘅话：
「主嘅灵降临我，因为佢𢬿膏抹我，令我传福音过贫穷嘅人听，打发我话过被抢去嘅人知可以得释放，盲眼嘅可以睇得见，受伤嘅可以得自在，
又令我传扬主嘅禧年。」
耶稣搇埋个部书，递过管理会堂嘅人，就坐倒处；在会堂嘅人人都定眼睇住佢。
耶稣就对佢哋话：「呢的圣书今日应验在你耳咯。」
众人为佢做证，听闻佢口出咁恩惠嘅说话，以为出奇，就话：「呢个岂唔係约瑟嘅仔咩？」
耶稣对佢哋话：「你必定引古语嚟对我讲：『医生应该医好自己！』我哋听闻你喺加百农所行嘅事，亦应该喺自己本乡都噉样行哩。」
耶稣又话：「我实在话你知，冇先知喺自己本乡被人睇重佢𡃉。
但我实在对你话，以利亚个阵时，天闭塞埋三年零六个月，都冇雨落，周围大饥荒；以色列百姓之中有好多寡妇，
以利亚唔曾受打发去佢哋一个处，独係去西顿地方嘅撒勒大一个寡妇处呮。
先知以利沙个时，以色列百姓之中有好多发疯嘅，冇一个得洁净，独係叙利亚人乃缦得洁净呮。」
会堂里头咁多人听见呢的话，就好恼怒。
大众起嚟，赶耶稣出城外，拉佢去到山岩，想拥佢落去；呢个山即係佢哋嘅城所起个处。
但耶稣行过众人之中而去。
去到加利利嘅加百农城，每安息日教训众人。
众人惊奇佢嘅教训，因为佢所讲嘅道有权柄呀。
喺会堂，有个人被邪鬼所迷，大声叫话：
「唉，拿撒勒人耶稣，我哋于你何干呢？你嚟想败坏我哋咩？我知到你係乜谁，乃係上帝嘅圣者咯。」
耶稣责成佢话：「合埋口，出去喇！」鬼就推倒个人喺众人之中，出去，冇损伤佢。
众人见出奇，彼此相讲话：「呢的係乜野道理呢？因佢用权能吩咐个邪鬼，邪鬼就出去。」
就耶稣嘅名声传扬到各处地方。
耶稣出哓会堂，入到西门家中；西门嘅外母发热病得好深伤，有人代佢求耶稣。
耶稣行前，企倒佢侧边，斥逐个热病，热就退哓；个妇人即时起身服事佢哋。
热头落个时，凡有各样病嘅人，带齐佢哋嚟耶稣处；耶稣逐一俾手摩吓，就医好嘥佢哋。
又有鬼喺好多人嘅身上出嚟，大声叫话：「你係上帝之子呀！」耶稣责罚佢，唔准佢讲，因个的鬼识佢係基督。
清早，耶稣出到旷野，大众揾倒佢，就留住佢，唔想佢离开佢哋。
耶稣对佢话：「我亦要在别个城传上帝国嘅福音，我因呢的事受打发嚟𡃉。」
就喺加利利各会堂传道。