路加福音 6 · 1872《路加福音传》（香港教育大学数据）

逾越节第二日后，第一个安息日，耶稣经过禾田，门生摘的禾穗，使手搓甩嚟食。

有几个𠵽唎㘔人对佢地话，安息日唔当做嘅事，为乜你又做呢。

耶稣答佢地话，大辟共跟随佢嘅人，肚饿个时，所做嘅事，你唔曾读过咩。

即係入上帝殿，拧摆设嘅饼嚟食，又俾过跟随佢嘅人食，但个的饼，独係祭司致食得嘅呮。

又对佢地话，人子亦係安息日嘅主呀。

又一个安息日，耶稣入会堂教训，喺嗰处，有一人，佢只右手干枯嘅。

个的读书人𠵽唎㘔人，𥅾耶稣安息日医人唔医，想揾的事嚟告佢。

耶稣知到佢地嘅意思，就对个手枯嘅人话，起身，企倒中间，个人就起身企处。

耶稣对大众话，我问你一句，喺安息日，行善事，行恶事，救生命，杀生命，边样係着呢。

就周围睇住众人嚟对个人话，伸开你手喇，佢一伸开，个只手就好哓，好似第二只一样。

众人十分嬲，彼此斟酌，点样处置耶稣。

个时耶稣上山祈祷，成夜求上帝。

到第二朝叫埋佢嘅门生嚟，喺佢地之中，揀择十二个，又称佢做使徒。

即係西门又叫做彼得，共佢嘅兄弟安得烈，亦有雅各，约翰，腓力，巴多罗买，

马太，多马，共亚勒腓子雅各，及叫做热心嘅西门。

更有雅各嘅兄弟犹太，共卖主嘅加畧人犹大。

耶稣同使徒落哓山，企倒平地，有好多门生共众人，喺犹太四方，耶路撒冷，推罗西顿嘅海边嚟，想听佢讲，又望耶稣医佢嘅病。

又有被邪鬼难为嘅，俱医得好。

群众都想摩吓耶稣，因为有权能由佢出，医好众人。

耶稣担高头睇住门生话，你地贫穷嘅有福咯，因为上帝国係你地嘅。

你地如今肚饿嘅有福咯，因为你将来得饱。你地如今啼哭嘅有福咯，因为你将来必得笑呀。

为人子嘅名，人地憎恶你，弃绝你，怒骂你，厌恨你嘅名，当你係恶嘅，就有福咯。

当个日，欢喜到跳，因为你地喺天所得嘅赏赐係大，佢嘅祖宗看待先知，都係噉样。

但係你地财主嘅有祸咯，因为你已经得你嘅安慰。

你地饱足嘅有祸咯，因为你将要饥饿。你地如今喜笑嘅有祸咯，因为你将要悲哀啼哭呀。

你地被众人称赞嘅有祸咯，因为佢嘅祖宗，看待个的假冒先知嘅， 都係噉样呀，

听道嘅人呀，我话你地知，共你做仇敌嘅，要爱佢，憎恶你嘅，要待好佢。

咒诅你嘅，要祝福佢，难为你嘅，要代佢祈祷。

有人掴你呢便面，又[口佞]转个便俾佢掴，抢你外面嘅衫，你就连里头个件，都唔禁佢抢。

但凡求你嘅，就俾过佢，拧你嘅物件，唔好共佢攞番。

你想人地噉样待你，你亦要噉样待人。

你若爱个的爱你嘅人，有乜恩惠呢，因罪人亦爱个的爱佢嘅。

你若好看待个的好看待你嘅人，有乜恩惠呢，因罪人亦係噉样呀。

你若借过人嘅，望人还番，有乜恩惠呢，因罪人借过罪人，亦要佢照数还番呀。

但共你做仇敌嘅，要爱佢，又要行善，而且借嘅，亦唔望佢还番，你就得大嘅赏赐咯，你可以做至上者之子，因为佢善待个的忘恩嘅，与及恶人。

所以你地应该怜悯，好似你天父咁怜悯。

唔议论人，你就唔被人议论，唔定人罪，就唔被人定你罪，你恕免人，就被人恕免你。

你俾过人，人就俾过你，人将𢬿个大斗㩒落去，𢳆到实，而且满到流出嚟，挤落你怀抱，因为你用点样斗量过人，人亦用噉样斗量番你。

耶稣又讲譬喻对佢话，盲眼嘅，点拖得盲眼嘅呢，唔係两个都跌落坑咩。

门生唔胜得过佢先生，但係学得齐全嘅，必同佢先生一样。

你兄弟眼里有条刺，你就睇见，你自己眼里有条杉，你自己都唔见觉，为乜呢。

点能对兄弟话，兄弟呀，你眼里有条刺，等我共你擝出嚟。但自己眼里有条杉，都唔见觉咩。伪善嘅人呀，先要擝出自己眼里嘅杉，后来致睇得明白，擝出兄弟眼里嘅刺呀。

因为好树，冇结唔好嘅果，唔好树，冇结好嘅果。

但凡树木，睇佢嘅果就识得佢出咯，因为在荆棘中，唔摘得倒无花果，在蒺藜中，唔摘得倒菩提子。

善人由心积埋的善，所发係善，恶人由心积埋的恶，所发係恶，因为由心所满嘅，个口就讲出嚟。

你为乜称我做主呀主呀，又唔照依我嘅话嚟行呢 。

我话你知，但凡亲近我，听我话嚟做嘅，佢好比乜野人呢。

好比一个人起屋，掘到深处，落墙脚在大石之上，就係大水涨满起嚟，横冲个间屋，都不能摇动佢咯，因为个墙脚喺大石之上呀。

但听哓唔去做嘅，好比起间屋喺泥土之上，冇好地脚，流水掉横一冲，就跌哓个间屋就烂得大嚹。