路加福音 7 · 1883《路加福音传》（粤语联合译本修订本，香港理工大学数据）

耶稣讲完咁多说话过百姓听、就入迦百农、

有个百把总、佢所爱嘅仆、病到将近死。

听闻耶稣所行嘅事、就打发犹太人嘅长老、去求耶稣、嚟医佢嘅仆。

长老见耶稣就恳切求话、佢係好人、共佢做呢件事係著嘅。

因佢爱我哋百姓、而且为我哋起间会堂。

耶稣同埋个的人去、离屋冇几远个时、个百把总打发朋友嚟见耶稣话、主唔使劳动咯、因为你到我屋舍、我唔敢当。

故此我以为自己亦唔称嚟见你、但求你讲一句话、我嘅仆就必得好番。

因为我都属大官权下、亦有兵属我权下、吩咐呢个去就去、吩咐个个嚟就嚟、叫我嘅仆做呢件事、就做呢件事咯。

耶稣听闻呢的说话、就见出奇、回头睇吓跟佢嘅众人话、我话你知、喺以色列人之中、唔曾见过咁大嘅信德呀。

受打发嘅人去归个时、睇见个仆、已经好番咯。○

第二日、耶稣入到一个城、名叫拿因、有门生共众人同行。

将近城门、有人抬个死人出嚟、佢母亲独係生呢个仔呮、而且佢係寡妇、城里嘅人、好多嚟相送。

主睇见个寡妇、就怜悯佢话、唔使啼哭。

就行前去摩吓个死人嘅架、个的抬死人嘅就歇住、耶稣话、少年人呀、我吩咐你起身。

个死者就起身、坐倒处讲说话、耶稣𢬿佢交番佢母亲。

众人就慌起嚟、归荣上帝话、有大先知、兴起在我哋之中、上帝照顾佢嘅百姓咯。

噉就呢个风声传扬通犹太、与及周围地方。○

约翰嘅门生、𢬿呢的事、话嘥过佢知。

约翰就叫两个门生嚟、打发佢哋去见主话、应当嚟嘅、就係你唎咩、抑或重要望第二个人呢。

个两个人、到耶稣处就话、施洗礼嘅约翰、打发我嚟见你、问应当嚟嘅、係你、抑或重要望第二个人呢。

个阵时耶稣医好多人嘅病症、及被恶鬼迷嘅、又令好多盲眼人睇得见。

耶稣就答佢哋话、𢬿你所见所闻嘅、去话过约翰知、即係盲嘅睇得见、跛嘅会行、痲疯嘅得洁净、聋嘅得听闻、死嘅复生、贫穷嘅得听福音。

凡係唔厌弃我嘅、就有福咯。

约翰打发嘅人、已经番去、耶稣就讲起约翰对众人话、你出旷野、睇乜野呢、想睇风吹芦荻草咩。

你出去睇乜野呢、想睇一个著好衣服嘅人咩、但个的著华美衣服、安安乐乐度日嘅、係在王宫嘅呀。

到底你出去想睇乜野呢、睇先知咩、真係咯、我话你知、佢係大过先知者多呀。

圣经有写、我打发我嘅使者、喺你面前、在先预偹你嘅路、即係指呢个人咯。

我话你哋知、妇人所生嘅、未有一个大得过约翰呀、但喺上帝国至细嘅、都大过佢。

众百姓及收税嘅、已经受约翰洗礼、如今听闻呢的话、就称上帝为公义。

但法利赛人、及教法师、唔受约翰洗礼、弃绝上帝嘅旨意、嚟损害自己。○

主又话、我将乜野、嚟比较呢个世代嘅人呢、佢哋好比乜野呢。

好比细伩仔、坐倒市上、彼此相叫话、我哋对住你吹箫、你唔跳舞、我哋唱哀歌、你唔啼哭。

施洗礼嘅约翰嚟、佢唔食饼、唔饮酒、你哋就话、佢係被鬼迷。

人子嚟、又饮又食、你哋就话、嚡、佢好饮好食嘅人、係税吏及罪人嘅朋友。

惟係智慧嘅仔、个个都明智慧嘅义呀。○

有个法利赛人、请耶稣食饭、耶稣入佢屋𨀣坐席。

城里有个女人、平日有恶行嘅、知到耶稣坐倒法利赛人屋𨀣、就拧个玉盒、载住香膏、

企在耶稣后便啼哭、眼泪流湿耶稣嘅脚、𢬿自己头发嚟抹、又俾嘴亲耶稣嘅脚、将香膏搽落去。

请耶稣食饭嘅法利赛人、睇见呢的事、心里就话、呢个人若係先知、就是必知摩佢嘅係乜谁、亦知係点样嘅人咯、因为佢係行恶嘅呀。

耶稣对佢话、西门、我有的事话你知、西门话、老师、请讲喇。

耶稣话、一个债主、有两个债仔、一个欠银五十两、一个欠银五两。

因为两个都冇得还、债主就免哓佢哋嘅、佢两个人、边个爱债主多呢。

西门答话、我估个个免得多嘅、耶稣对佢话、你估得著咯。

就回头睇住个女人、对西门话、你睇见呢个女人喇、我入你屋𨀣、你唔曾𢬿水洗我脚、惟係佢俾眼泪流湿我脚、俾佢头发抹番干、

你唔曾亲我嘴、惟係佢自从我入嚟、就不歇亲我脚。

你唔曾𢬿膏搽我头、惟係佢𢬿香膏搽我脚。

所以我话你知、个女人罪恶多、我赦哓佢嘅、因为佢爱係多、但个的赦得少嘅、佢爱亦係少呀。

就对个女人话、你嘅罪赦哓咯。

同席嘅人、私下讲话、呢个係乜野人、哙赦得人罪呢。

耶稣对个女人话、你嘅信德救哓你、可以平安去归咯。