马太福音 11 · 1882《马太福音传》（粤语联合译本修订本，香港理工大学数据）

耶稣吩咐完十二门生之时、就离开个处、去佢哋各城传教讲道。○

约翰喺监闻得基督所做、就打发佢门生去、

问话、应该嚟嘅係你吖、抑或我哋要望别人呢。

耶稣就答佢哋话、𢬿你所见所闻嘅、去讲过约翰知、

即係盲嘅睇得见、跛嘅哙行、痲疯嘅得洁净、耳聋嘅听得闻、死嘅复生、贫穷嘅得听福音。

但凡唔厌弃我嘅、就有福咯。○

佢哋去哓、耶稣就讲起约翰对众人话、你出旷野睇乜野呢、想睇风吹芦荻草咩。

你出去睇乜野呢、想睇一个著华美衣服嘅人咩、但个的著华美衣服嘅、係在王宫里头嘅呀。

你哋为乜事出去呢、想睇个先知咩、真係咯、我话你知、佢係大过先知呀。

圣经所冩、我打发我嘅使者喺你面前、在先预备你嘅路、就係指呢个人咯。

我实在话你知、妇人所生嘅、未有大得过施洗礼嘅约翰呀。

但喺天国至细嘅、都大过佢。自从施洗礼约翰嘅日子、至到如今、天国係用力致入得、用力嘅人、就夺得咯。

因为众先知及律法、预先讲嘅、至到约翰、

你若肯承受我嘅言语、应该嚟嘅以利亚、就係呢个人咯。

有耳可听嘅、就要听嚹。○

但我𢬿乜野嚟比较呢个世代呢、好比细伩仔坐倒市上、叫佢同班辈嘅话、

我哋对住你吹箫、你唔跳舞、我哋唱哀歌、你唔啼哭。

因为约翰嚟到、唔饮唔食、人哋话佢係被鬼迷。

人子嚟到、又饮又食、人哋话、睇吖、个好饮好食嘅人、係税吏罪人嘅朋友、惟係智慧嘅仔、个个都明智慧嘅义呀。○

个阵时、耶稣引自己行过至多异迹嘅城嚟责成、因佢唔悔改、

就噉话、哥拉汛你有祸咯、伯赛大你有祸咯、因为喺你哋处所行嘅异迹、倘若行在推罗西顿、佢就大早著麻衫、坐倒灰处嚟悔改咯。

但係我话你知、当审判之日、推罗西顿嘅刑罚、比较你嘅更易受呀。

迦百农呀、你得升高到天咩、将来必推落地狱咯、因为喺你处所行嘅异迹、若係行在所多马处、佢是必今日重存。

但係我话你知、当审判之日、所多马嘅刑罚、比较你嘅更易受呀。○

个阵时、耶稣答话、父呀、天地嘅主呀、我赞美你、因为你将呢的事情、对住智慧嘅、通达嘅、就隐藏埋、对住小子、就显出嚟、

父呀、因为你见噉样係善咯。

万物都係我父赐过我、除父之外冇人识得个子、除子共子所喜欢指示嘅、冇人识得个父。○

但凡劳苦担住重野嘅嚟我处、我就赐你哋平安。

因为我心温柔谦逊、你孭起我轭嚟学我、你灵魂必定得安。

因为我嘅轭係易、我嘅担係轻呀。