马太福音 13 · 1882《马太福音传》（粤语联合译本修订本，香港理工大学数据）

当个日、耶稣出哓家外、坐倒海边、

有群众聚埋嚟到佢处、噉就佢落船坐、众人企在岸上。

就多方设譬喻嚟讲话、有一个撒种嘅人、出去撒种、

撒个阵时、有的跌落路边嘅、雀鸟嚟到、尽哋食嘥。

有的跌落石地处、泥土浅薄、即时发生、因为泥冇几深呀。

热头出嚟蒸佢、因冇根蔃、就干枯哓。

有的跌落荆棘里头、荆棘生起嚟逼住佢。

有的跌落肥地、结实有百倍、有六十倍、有三十倍。

有耳可听嘅、就要听嚹。○

门生嚟对佢话、做乜同众人讲譬喻呢。

耶稣答佢哋话、因为天国嘅奥妙、赐过你哋知到、惟係唔赐过佢哋。

因为但凡有嘅、必定赐佢、至到有余、但凡冇嘅、连佢所有、都要夺埋。

故此我用譬喻同佢哋讲、因为佢哋睇都睇唔见、听都听唔闻、又唔晓呀。

噉就在呢的人、应哓以赛亚先知嘅话、你哋听嘅都听唔晓、睇嘅都睇唔见。

因为呢的百姓、心係顽梗、佢耳懒听、佢眼自己闭埋、怕到俾眼睇见、俾耳听闻、心中晓得、就哙改变、俾我医好呀。

但係你哋眼有福咯、因为睇见呀、你哋耳有福咯、因为听闻呀。

我实在话你哋知、昔日有好多先知与及义人、想见你所见嘅都唔得见、想闻你所闻嘅都唔得闻。

所以你哋要听撒种嘅譬喻呀。

但凡听闻天国嘅道理唔晓、恶鬼嚟到、夺哓撒落佢心嘅、呢的就係撒落路边嘅喇。

撒落石地嘅、即係个个闻道、就欢喜接受、

但係心内冇根蔃、不过係暂时呮、及至为道有艰难、或迫害、佢就即时厌弃。

撒落荆棘里头嘅、即係闻道之人、因今世嘅挂虑、与及钱财嘅迷惑、逼住个的道、就唔结得实。

撒落肥地嘅、即係闻道就晓、亦结实起嚟、有百倍、有六十倍、有三十倍。○

又设譬喻对众人话、天国好比人撒好种落佢嘅田、

但係当人瞓著个时、佢仇敌嚟到、撒的稗落谷里处就去哓。

及至的秧秀茂、而且结成谷、个阵裨亦现出。

田主嘅仆嚟对佢话、主呀、你唔係撒好种喺你田咩、稗喺边处嚟嘅呢。

主对佢哋话、呢的係仇敌做嘅、仆人话、你想我哋去薅哓佢唔呢。

主人话、唔好、慌怕薅个的稗、连埋麦都拔起嚟、

由得佢两样一齐长大至到收割、收割个时、我话过收割嘅人知、先揀起的稗、札埋成把嚟烧佢、独係收麦入我嘅仓。○

又设譬喻对佢哋话、天国好比一粒芥菜仁、有人拧嚟撒落佢嘅田、

佢係百样仁之中至细嘅、及至生长起嚟、大过各样蔬菜、而且成为树木、至到空中嘅雀鸟、嚟住倒佢的枝处。○

又设譬喻对佢地话、天国好比面种、有个女人、拧嚟挤落三斗面中、致令尽哋发起嚟呢。

的咁多、都係耶稣设譬喻讲过众人知、若唔係譬喻、就唔同佢哋讲。

噉就应哓先知所讲嘅话、我将要开口设譬喻、我将要讲明自创世以来所隐藏嘅。○

个阵时、耶稣叫众人散哓、入去屋里、佢门生嚟佢处话、田稗嘅譬喻、请解明我哋听、

耶稣答佢哋话、撒好种嘅、係人子呀、

田係世界、好种係天国嘅子民、稗係凶恶嘅子民。

仇敌撒稗嘅係魔鬼、收割个时、係世界末日、收割嘅、係天使呀。

所以好似聚集的稗、俾火嚟烧、在世界末日、亦係噉样。

人子将要打发佢嘅使者、由佢国中、聚集埋所有陷人落罪嘅、与及为恶嘅人、

丢佢落火炉、喺个处必定哀哭、咬住牙齿咯。

个阵时、公义嘅人、喺佢父嘅国处、好似日咁光明、有耳可听嘅、就要听嚹。○

天国好比宝物藏落田嚟、有人遇著、就隐秘住、好欢喜去卖哓所有嘅、嚟买个笪田。○

天国又好比一个做生意嘅人、搵好珍珠。

遇著一粒珍珠好値钱嘅、就去卖哓所有嘅嚟买佢。○

天国又好比网撒落海、聚集埋各样水族、

已经满哓、就拉上岸、坐倒处、揀起个的好嘅、入落器皿、唔好嘅𢫕哓。

世界末日、亦必係噉样、天使出嚟、喺善人之中、分别出恶人。

𢫕佢哋落火炉、喺个处必定哀哭咬住牙齿咯。○

耶稣话、你哓得嘥呢的唔呢、佢哋话、哓得咯。

耶稣对佢哋话、故此但凡读书之人、学晓天国嘅、好比一个家主、喺佢库房、攞新旧嘅物件出嚟呀。○

耶稣讲完呢的譬喻、离开个处、

就到自己家乡、喺佢哋会堂教众人、众人就见出奇、话、呢个人、从边处得呢的智慧、与及才能呢。

呢个唔係木匠嘅仔咩、佢母亲唔係叫做马利亚咩、佢兄弟唔係雅各、约瑟、西门、犹大咩。

而且佢姊妹、唔係都在呢处住咩。佢从边处得嘥呢的呢、

噉就厌弃佢。但耶稣对佢哋话、做先知嘅人、除哓佢本乡本家之外、无不尊敬佢。

耶稣喺个处、唔多行奇能、因为佢哋唔信呀。